დანიის ჩემპიონატის ბოლო ტურში არ უთამაშია მათე ვაწაძეს. მისმა "ორჰუსმა" სტუმრად 2:3 წააგო "ბრონდბიუსთან". დანიური ვებგვერდი Agffan.dk იუწყება, რომ ვაწაძემ "ბრონდბიუმდე", "ნორსიელანდთან" შეხვედრაში მიიღო მძიმე ტრავმა - კოჭი მოიტეხა და ნახევარი წელი უქმობა მოუწევს.
ცხადია, ძალიან სამწუხარო ამბავია, 24 წლის ვაწაძე ხომ საქართველოს ეროვნული ნაკრების თავდამსხმელიც გახლავთ, რომელიც ბოლო დროს ადგილს იმკვიდრებდა თემურ ქეცბაიას გაწვრთნილი გუნდის ძირითად შემადგენლობაში.
ვაწაძემ დანიის მიმდინარე ჩემპიონატში 13 მატჩი ჩაატარა და 3 გოლი გაიტანა, ეროვნულ ნაკრებში კი ექვსჯერ ითამაშა და ერთხელ გაიტანა.
Video
მძიმე ტრავმა მიიღო [VIDEO]" />მათე ვაწაძემ მძიმე ტრავმა მიიღო
