დნეპროპეტროვსკის "დნიპრომ" საკონტროლო მატჩში ავსტრიის "მატერსბურგს" 3:1 მოუგო. უკრაინელთა ძირითადში დაიწყეს თამაში სანდრო კობახიძემ და უჩა ლობჟანიძემ, მეორე ტაიმში კი ორივე შეცვალეს. სამაგიეროდ, მოედანზე გამოჩნდა ეროვნული ნაკრების კაპიტანი ჯაბა კანკავა - რომან ზოზულიამ მეორე გოლი სწორედ ჯაბას გადაცემით გაიტანა.
აღსანიშნავია, რომ "დნიპროს" მთავარმა მწვრთნელმა ხუანდე რამოსმა ლობჟანიძე ცენტრალურ მცველად მოსინჯა, კობახიძე კი - ნახევარდაცვის ცენტრში.
მხოლოდ კანკავა იყო მისთვის ჩვეულ საყრდენის პოზიციაზე.
(იბეჭდება მცირე ცვლილებით)
ყოველდღიური სპორტული გაზეთი "ლელო"
