23 აგვისტოს, რუსეთის პირველი ლიგის მე-10 ტურში, ხაბაროვსკის "სკა-ენერგიამ" ორენბურგის "გაზოვიკს" უმასპინძლა და ანგარიშით 2:0 სძლია. აღსანიშნავია, რომ გორის "დილას" ყოფილი დამრიგებლის, ვალდას ივანაუსკასის გუნდს გამარჯვება სწორედ "დილადან" ხაბაროვსკში გადაბარგებულმა გოგიტა გოგუამ და ბრაზილიელმა ლეგიონერმა ნათან ჟუნიორმა მოუტანეს.
ანგარიში ჟუნიორმა 34-ე წუთზე გახსნა, ათ წუთში კი გოლით გოგუა გამოირჩა. აღსანიშნავია, რომ შეხვედრა სრულად ჩაატარა გიორგი ნავალოვსკიმ.
ეს მიმდინარე სეზონში "სკა-ენერგიასთვის" მეოთხე გამარჯვება იყო. ხაბაროვსკელები სატურნირო ცხრილში მეხუთე ადგილს იკავებენ.
![[მკითხველთა ფორუმი] ორი მთავარი კანდიდატურა - ვინ დადგება დაცვის მარცხენა ფლანგზე?](/pictures/image7/384c97e6573936e643768f8f9a29dc1e.jpg "[მკითხველთა ფორუმი] ორი მთავარი კანდიდატურა - ვინ დადგება დაცვის მარცხენა ფლანგზე?")
