მარიუპოლის "ილიჩევეცის" ქართველი ლეგიონერები თორნიკე ოქრიაშვილი და დავით თარგამაძე ბოლო დროს ყურადღების ცენტრში მოექცნენ. ყველაზე სკანდალური "ილიჩევეცის" მწვრთნელის, პავლოვის განცხადება იყო, როცა მან თქვა, ქართველები ერთი თვეა, არ გამოჩენილანო. მართალია, მწვრთნელმა ეს გამონათქვამი შეარბილა, მაგრამ ახლა კლუბის პრეზიდენტმა უწოდა მათ "თავქარიანები".
24 წლის დავით თარგამაძე თავს გამოცემა "პროფუტბოლთან" ინტერვიუში იმართლებს: "ჩვენ ვბრუნდებოდით ნაკრებიდან. უბრალოდ, ისე მოხდა, რომ ტრავმირებულები ვიყავით. ამიტომაც ვერ ვვარჯიშობდით, მაგრამ მარიუპოლში ვიმყოფებით".
"ჩვენ უკვე დაველაპარაკეთ მწვრთნელს და სპორტულ დირექტორს. გადაწყდა - "ილიჩევეცში" აღარ ვითამაშებთ, ვიქნებით სხვა გუნდში",
"ჩემი სურვილია, ევროპულ გუნდში ვითამაშო. ვნახოთ, რა იქნება. ჯერჯერობით დროა სატრანსფერო ფანჯრამდე. ამიტომ ჯერ ვერ გეტყვით, სად გავაგრძელებ კარიერას: უკრაინაში, რუსეთში თუ ევროპაში".
შეგახსენებთ, რომ კონტრაქტის მიხედვით, ორივე ქართველი დონეცკის "შახტარის" საკუთრებაა და "ილიჩევეცში" იჯარით გამოდიოდა.
ასევე იხილეთ:
"ილიჩევეცის" პრეზიდენტი: თარგამაძე და ოქრიაშვილი თავქარიანები არიან
!["ყოვლად მიუღებელია ის რეალობა, რაც ჩვენს ქვეყანაში ხდება!" - თორნიკე ოქრიაშვილი [PHOTO]](/pictures/image7/1a6dc19ac265c418c24fb4d87d98d6f9.png "\"ყოვლად მიუღებელია ის რეალობა, რაც ჩვენს ქვეყანაში ხდება!\" - თორნიკე ოქრიაშვილი [PHOTO]")
