გორის "დილას" ყოფილმა ფეხბურთელმა კახა ალადაშვილმა სადებიუტო მატჩი ჩაატარა ხაბაროვსკის "სკა-ენერგიაში". ბელეკში, რუსულმა კლუბმა ერთ დღეში ორი ამხანაგური მატჩი გამართა.პირველ შეხვედრაში "სკა-ენერგია" უკრაინულ "ჰოვერლასთან" 0:3 დამარცხდა. კახა ალადაშვილმა ამ შეხვედრაში 75-ე წუთამდე ითამაშა. სრულად ითამაშა გოგიტა გოგუამ, რომელმაც პირადი მიზეზით კლუბის პირველი შეკრება გამოტოვა.
მეორე შეხვედრაში "სკა-ენერგია" კორეულ "კენამს" დაუზავდა - 1:1. არც ერთ თამაშში არ გამოჩენილა გიორგი ნავალოვსკი.
