27 თებერვალს, ევროპალიგის 1/16-ფინალის საპასუხო მატჩში გია გრიგალავას "ანჟიმ" სტუმრად 2:0 დაამარცხა ბელგიური "გენკი" და მერვედფინალის საგზური მოიპოვა. გრიგალავამ მარცხენა მცველის პოზიციაზე შეუცვლელად ითამაშა. მატჩის 52-ე წუთზე ქართველი მცველი დე კიულარს შეეჯახა და სისხლი წამოუვიდა. ჩვენებური მოედანს რამდენიმე წუთში დაუბრუნდა მას მერე, რაც თავი შეუხვიეს.
სხვათა შორის, მატჩის წინ პრესკონფერენციაზე "ანჟის" თავკაცმა გაჯი გაჯიევმა თან სწორედ გია გრიგალავა იახლა. მატჩის შემდეგ რუსულ მედიასთან საუბარში კი მან მომდევნო ეტაპის გავლის იმედი გამოთქვა.
შეგახსენებთ, რომ მერვედფინალში "ანჟის" მეტოქე ჰოლანდიური "ალკმაარი" იქნება.
ასევე
ევროპალიგა. 1/16-ფინალი. საპასუხო მატჩები: მხოლოდ ერთი ქართველი
