"აზერიფუტბოლის" ინფორმაციით, ბაქოს "ინტერის" პარაგვაელი ნახევარმცველი დერლიზ მეზა-კოლი მალე შოთა არველაძის "ქასიმფაშაში" გადავა. აი, რას წერს აზერბაიჯანული ინტერნეტპორტალი:
"ინტერის" პარაგვაელი საყრდენი დერლიზ მეზა-კოლი ახლოსაა თურქულ "ქასიმფაშაში" გადასვლასთან. საქმე ისაა, რომ "ქასიმფაშას" წვრთნის შოთა არველაძე. ის კახა ცხადაძის ძველი მეგობარია საქართველოს ეროვნული ნაკრებიდან.
სწორედ ცხადაძემ ურჩია თავის ძველ მეგობარს, ყურადღება მიექცია მეზა-კოლისთვის. "ინტერის" მთავარი მწვრთნელი მიიჩნევს, რომ პარაგვაელი კარგად ჩაეწერება არველაძის გუნდის სათამაშო მონახაზში.
რამდენიმე დღის წინ ბაქოს ეწვია შოთა არველაძის ასისტენტი,
ჩვენი ინფორმაციით, "ქასიმფაშა" ერთობ სოლიდურ თანხას შესთავაზებს "ინტერს" პარაგვაელი საყრდენის სანაცვლოდ, რომელიც თავის ამპლუაში ერთ-ერთი საუკეთესოა მთელ აზერბაიჯანულ პრემიერლიგაში".
აი, ეს არის "აზერიფუტბოლის" ინფორმაცია. სხვათა შორის, ცოტა ხნის წინ აზერბაიჯანულ საინფორმაციო საშუალებებში გავრცელდა ცნობა, რომლის თანახმადაც, "ინტერი" მზად იყო, თავისი პარაგვაელი ლიდერისთვის საგრძნობლად მოემატებინა ხელფასი.
მოკლედ, ვნახოთ...
(იბეჭდება მცირე ცვლილებით)
ყოველდღიური სპორტული გაზეთი "ლელო"
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
![თემურ ქეცბაიასა და შოთა არველაძის ემოციები საქართველოს ნაკრების ჰიმნის მოსმენისას - ვიდეო, რომელსაც ემოციების გარეშე ვერ უყურებთ [VIDEO]](/pictures/image7/64e54f39b624996d476cd976796a85f0.png "თემურ ქეცბაიასა და შოთა არველაძის ემოციები საქართველოს ნაკრების ჰიმნის მოსმენისას - ვიდეო, რომელსაც ემოციების გარეშე ვერ უყურებთ [VIDEO]")
