ბრიტანულ პრესაში კვლავ არ წყდება მითქმა-მოთქმა კრიზისში მყოფი "ნიუკასლის" მომავალი დამრიგებლის თაობაზე. ბოლო დროს ინგლისურ მედიაში გავრცელებული ცნობების თანახმად, "ჯორდების" მთავარ მწვრთნელად "ლიონის" ყოფილი თავკაცი, ფრანგი რემი გარდი უნდა დანიშნულიყო, თუმცა, გუშინდელი ინფორმაციით, კლუბის მფლობელი მაიკ ეშლი სხვა ვარიანტსაც განიხილავს.
ისე, თავად გარდიც არ არის დიდად მოწადინებული, გუნდი შუა სეზონში ჩაიბაროს. რაც შეეხება მფლობელის ვარიანტს - სეზონის ბოლომდე "ნიუკასლს" მთავარი მწვრთნელის მოვალეობის შემსრულებელი ჯონ კარვერი გაწვრთნის, სეზონის დასრულების შემდეგ კი, გამომდინარე შედეგებიდან, ან კარვერს დატოვებენ მწვრთნელად, ან ახალ სპეციალისტს იპოვიან.
(იბეჭდება მცირე ცვლილებით)
ყოველდღიური სპორტული გაზეთი "ლელო"
