საქართველოს ეროვნული ჩემპიონატის ერთ-ერთი გამორჩეული ნახევარმცველი ნიკა კვეკვესკირი გორის "დილას" დაშორდა და კარიერას ბაქოს "ინტერში" გააგრძელებს. ბოლო ინფორმაციით, ამ კლუბთან მან ერთწლიანი კონტრაქტი გააფორმა. შეგახსენებთ, რომ "ინტერი" კახა ცხადაძის ყოფილმა ასისტენტმა ზაურ სვანაძემ ჩაიბარა.
"დილა" ჩემპიონთა ლიგის საკვალიფიკაციო ეტაპზე ითამაშებს და, ცხადია, კვეკვესკირი გუნდს ძალიან დააკლდება. "ლელო" ნიკას აზერბაიჯანში დაუკავშირდა და ინტერვიუ სთხოვა:
- ახლა აზერბაიჯანში ვარ. კლუბთან კონტრაქტი ჯერ არ გამიფორმებია. მცირე დეტალებია მოსაგვარებელ-შესათანხმებელი, თუმცა ეს არ იქნება პრობლემა.
- რატომ გააკეთეთ არჩევანი "ინტერის" სასარგებლოდ? ამ თემაზე აზერბაიჯანულ მედიაში
- თუ დამიჯერებთ, ინტერვიუ არავისთვის მიმიცია. არც კი ვიცი, საიდან მოიტანეს ჩემი სიტყვები. ვნახე და მეც გაოგნებული დავრჩი...
- "ინტერში" ქართველებიდან მხოლოდ თქვენ ხართ?
- არა, გიორგი ლომაიაც აქ არის.
- როგორია ამჟამად კლუბის ფინანსური მდგომარეობა? ვიცით, რომ "ინტერს" ამ მხრივ პრობლემები ჰქონდა...
- ჩემი ინფორმაციით ახალ, სოლიდურ სპონსორს ელიან.
- ზაურ სვანაძეს თუ ელაპარაკეთ?
- დიახ და უნდა გითხრათ, რომ ეს ტრანსფერი მისი ინიციატივაა.
- "დილასთან" ერთად ჩემპიონთა ლიგაში თამაში, ცხადია, გინდოდათ. იოლად მიიღეთ "ინტერში" გადასვლის გადაწყვეტილება?
- არა, ადვილად არ მიმიღია, პირიქით, ძალიან ბევრი ვიფიქრე.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
არაფლის ღირსები ჩვენ არ ვართ...