საქართველოს ნაკრების ფორვარდი ბაჩანა ცხადაძე (5 მატჩი ეროვნულ გუნდში) კარიერას ალბანურ "ფლამურტარიში" გააგრძელებს, სადაც ცოტა ხნის წინათ ასევე ნაკრებში ნათამაშები მარცხენა მცველი გიორგი ფოფხაძე (ბოლოს პოლონურ "იაგელონიაში" ირიცხებოდა) გადავიდა, ხოლო უფრო ადრე ეროვნული გუნდის კიდევ ერთი შემტევი ნიკოლოზ გელაშვილი აგორებდა ბურთს.27 წლის ცხადაძემ ალბანურ კლუბთან 1-წლიანი კონტრაქტი გააფორმა. მას სხვა ვარიანტებიც ჰქონდა, კერძოდ - მოლდოვური "მილსამი", უკრაინული (ზაპოროჟიე) "მეტალურგი" და ორი პოლონური კლუბი - ზაბჟეს "გურნიკი" და "ლეჩნა", თუმცა, როგორც ჩანს, მისთვის ყველაზე მისაღები ალბანური პერსპექტივა აღმოჩნდა.
"ფლამურტარი" ალბანური
გუნდის მწვრთნელია 57 წლის სტანისლავ ლევი - ჩეხი სპეციალისტი, რომელიც "ფლამურტარიში" ახლახან დაინიშნა, ხოლო მანამდე (2012-14) ვროცლავის (პოლონეთი) "შლასკში" მუშაობდა.
ეს კაცი იმითიცაა ჩვენთვის საინტერესო, რომ 90-ანი წლების ბოლოს, გერმანულ "ტენის ბორუსიაში" (მაშინ ეს გუნდი II ბუნდესლიგაში იყო) კახა კაჭარავას, გელა ინალიშვილისა და რევაზ არველაძის მწვრთნელი იყო.
(იბეჭდება მცირე ცვლილებით)
ყოველდღიური სპორტული გაზეთი "ლელო"
