საქართველოს ეროვნული ნაკრების 25 წლის ფორვარდმა ლევან მჭედლიძემ ვარჯიში განაახლა. ამის თაობაზე იტალიური მედია იტყობინება. ვარაუდობენ, რომ ქართველი შემტევი მინდორს "სასუოლოსთან" მატჩში დაუბრუნდება, რომელიც 4 ოქტომბერს შედგება.
მჭედლიძემ ტრავმა ირლანდიასთან დუბლინურ მატჩში მიიღო. ამის გამო საქართველოს ნაკრებმა ის შეხვედრა რიცხობრივ უმცირესობაში ჩაამთავრა. არადა, ის მართლაც შესანიშნავ ფორმაში იყო. მჭედლიძე ერთ-ერთი საუკეთესო გახლდათ შოტლანდიასთან მოგებულ ევროშესარჩევის შეხვედრაშიც.
იმედია, "ემპოლის" ფორვარდი კონდიციებს დროულად აღიდგენს და საქართველოს ნაკრებს გიბრალტარსა და გერმანიასთან შეხვედრებში დაეხმარება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
