15 აპრილს, რუსეთის პრემიერლიგის XXIV ტური სარანსკში გამართული ერთი მატჩით გაიხსნა, რომელშიც ერთმანეთს ქართველი ფეხბურთელების გუნდები დაუპირისპირდნენ. ნუკრი რევიშვილისა და მამუკა კობახიძის "მორდოვიამ" გიორგი ჯიქიას გუნდს, პერმის "ამკარს" უმასპინძლა და ფრეს დასჯერდა 1:1.
მასპინძელთა კარს საქართველოს ნაკრების მეკარე ნუკრი რევიშვილი იცავდა, ხოლო სტუმართა ერთადერთი გოლი მას სწორედ გიორგი ჯიქიამ გაუტანა, რომელმაც 32-ე წუთზე ანგარიში გახსნა. "ამკარის" მცველმა ნუკრის ახლო კუთხეში უძლიერესი დარტყმით გაუტანა.
სათადარიგოთა სკამზე იყო და თამაშის საშუალება არ ჰქონია მამუკა კობახიძეს.
მოპოვებული ქულის წყალობით, "მორდოვიამ" სატურნირო ცხრილის ბოლო ადგილს თავი დააღწია - 17 ქულა აქვს და ერთი ქულით უსწრებს "ანჟის", რომელსაც თამაში რეზერვში აქვს. "ამკარი" 26 ქულით მე-10 ადგილზეა.
10:53 16-04-2016
"მორდოვიას" კარში დაბრუნებულ ნუკრი რევიშვილს გიორგი ჯიქიამ გაუტანა [VIDEO]
AutoSharing Option
ასევე დაგაინტერესებთ
უძრავი ქონება
სიახლეები
პოპულარული
აქ პრობლემა იმაში ხომ არ არის ,რომ ,,საჭირო აგენტთან,, თუ აქვს კონტრაქტი გაფორმებული?(((
ჯიქია მარცხენა მცველია და გოლეადორობა არ არის აუცილებელი.თუმცა მახსოვს ლოკომოტივსაც გაუტანა.21 წ ბიჭი თამაშობს რუსეთის პრემიერ–ლიგაში,ხშირად 90წუთს(რაც ასე იშვიათი გახდა ჩვენი ფეხბურთელებისთვის()ყველა სტანდარტს ასრულებს...