9 ივლისს, საქართველოს ეროვნული ნაკრების მეკარე გიორგი ლორია სამარის "კრილია სოვეტოვთან" ერთად ჰოლანდიურ შეკრებაზე გაემგზავრა.გამგზავრებამდე "კრილიას" ფეხბურთელებმა მოსკოვში სამედიცინო შემოწმება გაიარეს. რუსეთის დედაქალაქიდან კი გუნდი ბრიუსელში გაფრინდა, საიდანაც ჰოლანდიურ ოსტერვეიკში გადაინაცვლებს. სწორედ იქ გაივლის გუნდი შეკრებას.
უცხოურ შეკრებაზე გიორგი ლორიას გუნდი 5 საკონტროლო მატჩს გეგმავს. "კრილიას" პირველი მეტოქე რუმინული "სტიაუა" იქნება, რომელსაც 10 ივლისს დაუპირისპირდება.
შეგახსენებთ, რომ 30 წლის ქართველმა მეკარემ გუნდთან კონტრაქტი ცოტა ხნის წინ გაახანგრძლივა. "კრილია სოვეტოვმა" 2015/16 წლების რუსეთის პრემიერლიგის სეზონი მე-9 ადგილზე დაასრულა.
