21 ივლისს ევროპალიგის II საკვალიფიკაციო ეტაპის საპასუხო მატჩები გაიმართა. ჩვენ ინტერესს იწვევდა თამაში ისრაელში, სადაც ერთმანეთს შოთა არველაძის გაწვრთნილი "მაკაბი" ყაზახურ "ქაირათს" მასპინძლობდა, რომლის თავკაციც კახა ცხადაძეა. პირველი მატჩი 1:1 დასრულდა და მეორეც ასევე მთავრდებოდა, მაგრამ ძირითადი დროის დასრულებამდე 4 წუთით ადრე ალბერმანმა თელავიველებს გამარჯვება მოუტანა - 2:1.
III საკვალიფიკაციო ეტაპზე არველაძის "მაკაბის" მეტოქე რუმინული "პანდურიია".
ნიკა კვეკვესკირის "გაბალამ" მეორე მატჩიც მოუგო ბუდაპეშტის მტკ-ს - 2:0 (საერთო ჯამში - 4:1) და მესამე წრეში ფრანგულ "ლილს" ხვდება. ნიკამ 79-ე წუთამდე ითამაშა.
III წრეში ერთვება თემურ ქეცბაიას აეკ-ი, რომლის მეტოქე ფრანგული "სენტ ეტიენია" და ჯანო ანანიძის "სპარტაკი", რომელიც კვიპროსულ აეკ-ს ხვდება.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
