რუსული საიტი "ტასი" საქართველოს ეროვნული ნაკრებისა და მოსკოვის "სპარტაკის" ნახევარმცველ ჯანო ანანიძეს ესაუბრა.შეგახსენებთ, რომ რუსეთის პრემიერლიგამ სტარტი სულ რამდენიმე დღის წინ აიღო. ანანიძემ პირველ ტურში ბრწყინვალე დუბლი მიითვალა.
- ლეგიონი: ჯანო ანანიძის დუბლი ექვსწლიანი პაუზის შემდეგ! [VIDEO]
- ლეგიონი ევროპალიგაზე: კაცი კაცსა შემოსტყორცნა - ჯანოს გოლი-შედევრი [VIDEO]
"გუნდის მიზანი ჩემპიონთა ლიგაზე მოხვედრაა. "ზენიტისა" და ცსკა-ს თამაშებს ვუყურე. მათ გუნდის რამდენიმე წამყვანი ფეხბურთელი დაკარგეს და აისახა კიდეც თამაშზე. ორივე გუნდს იმ ფეხბურთელების გარეშე ძალიან გაუჭირდება. "ლოკომოტივი" ახალწვეულებით ვერ გაძლიერდა, მაგრამ
ჩემთვის დიდი მნიშვნელობა არ აქვს, გუნდი 4 მცველით თამაშობს თუ 5-ით. ეს, პირველ რიგში, მცველებს ეხებათ. მე გამთამაშებელი ვარ. უბრალოდ, 5 მცველით თამაშის დროს შეტევის გასავითარებლად მეტი ვარიანტი მიჩნდება, რადგან ჩემ წინ არამხოლოდ ზე ლუიში, არამედ კვინსი პრომესიცაა.
არ შეიძლება "სპარტაკს" კვინსი პრომესის გუნდი უწოდო. კი, წინა სეზონში პრომესი გუნდის საუკეთესო ბომბარდირი გახდა და ბევრი საგოლე გადაცემაც მიითვალა, მაგრამ ფეხბურთს მთელი გუნდი თამაშობს.
სეზონის პირველი მატჩებიდან გამომდინარე, დღეს ვიღაცა იტყვის, "სპარტაკი" ჯანო ანანიძის გუნდიაო, მაგრამ ეს ასე არაა. ბევრი ფეხბურთელი გვყავს, ვინც მოედანზე თავის როლს კარგად ასრულებს, რაც მთლიანობაში შედეგზე აისახება.
ბედნიერი ვარ, რომ პირველ ორ ოფიციალურ მატჩში 3 გოლის გატანა მოვახერხე, თუმცა მთავარი ეს კი არა, არამედ ისაა, რომ გუნდმა დადებით შედეგებს მიაღწია. დიდი ხანია დუბლი არ გამიფორმებია. თუ არ ვცდები, უკვე 6 წელი...
"არსენალთან" ჰეთ თრიკის გაფორმებაც შემეძლო. ერთ მომენტში დავინახე, რომ მეკარე კარიდან იყო გამოსული და დავარტყი, მაგრამ, სამწუხაროდ, ვერ გავიტანე.
თუ შევადარებთ გოლებს, მაშინ მეორე უფრო მომეწონა - რაღაცით 2011 წელს ევროპის ლიგაზე გატანილი გოლი გამახსენა. შორიდან იშვიათად ვურტყამ. ამჯერად, ვცადე დამერტყა და ძალიან კარგადაც გამომივიდა. მიხარია, რომ გულშემატკივართა გახარება მოვახერხე".
