წამყვანი ბერძნული კლუბები: "პანათინაიკოსი", აეკ-ი და პაოკ-ი საბერძნეთის ჩემპიონატის სტარტის ბოიკოტირებით იმუქრებიან. ამის მიზეზი საბერძნეთის ფეხბურთის ფედერაციის უარია მატჩებზე არბიტრების დანიშვნის სისტემის შეცვლის მოთხოვნაზე.შეგახსენებთ, რომ ათენის აეკ-ის მთავარი მწვრთნელი თემურ ქეცბაიაა, ხოლო სალონიკის პაოკ-ი ევროპალიგის პლეი ოფში თბილისის "დინამოს" მეტოქეა.
კლუბები აცხადებენ, რომ ემიჯნებიან "დამნაშავე ადამიანებისა და მსაჯების მიერ ორგანიზებულ ლიგას" და ჩემპიონატის ახალ სეზონში მონაწილეობას არ მიიღებენ, თუკი ფეხბურთის ფედერაცია არ შეცვლის გადაწყვეტილებას, მატჩებზე მსაჯების დამოუკიდებლად დანიშვნის თაობაზე.
საბერძნეთის სუპერლიგის სტარტი 20 აგვისტოსაა დაგეგმილი.
