15 ოქტომბერს, ევროპულ სტადიონებზე ჩემპიონატების მორიგი ტურის მატჩები გაიმართა, რომლებშიც ქართველმა ლეგიონერებმაც ითამაშეს.უკრაინის პრემიერლიგის მე-11 ტურში გამარჯვება იზეიმა ჯაბა ლიპარტიას გუნდმა ლუგანსკის "ზორიამ", რომელმაც ზაპოროჟიეში ჩატარებულ საშინაო შეხვედრაში ლუცკის "ვოლინს" ორი უპასუხო გოლი გაუტანა. ჯაბამ, რომელიც მასპინძელთა რიგებში სასტარტო შემადგენლობაში იყო, მოედანზე 63-ე წუთამდე დაჰყო და საგოლე პასი მიითვალა. ანგარიში მისი გადაცემის შედეგად, 39-ე წუთზე გაიხსნა, მანამდე კი ჯაბამ თავად ვერ შეძლო საკმაოდ ხელსაყრელი პოზიციიდან გატანა.
დავით ხოჭოლავასა და გიორგი გადრანის გუნდმა ოდესის "ჩერნომორეცმა" საკუთარ მოედანზე კიევის "დინამოსთან" შეხვედრა
უკრაინის მოქალაქეების, ზაურ მახარაძისა და თემურ ფარცვანიას გუნდმა დონეცკის "ოლიმპიკმაც" ფრედ 1:1 დაასრულა შეხვედრა დონეცკის "შახტართან". მახარაძე დონეცკელების კარს იცავდა, ფარცვანიამ კი 84-ე წუთიდან შეცვლაზე ითამაშა.
უკრაინაში მოთამაშე კიდევ ერთი ქართველი ლეგიონერის, სანდრო კობახიძის გუნდი ლუცკის "ვოლინი" ტურის მატჩს დღეს, 16 ოქტომბერს, სტუმრად "ზირკასთან" ჩაატარებს.
![ჩემპიონთა ლიგა. 1/8-ფინალი: "ლაიფციგს" გოლი არ ჩაუთვალეს, "რეალმა" გაიმარჯვა - "სიტი" ცალი ფეხით მეოთხედფინალშია [VIDEO]](/pictures/image7/7f5ab2c87187c5d71420637edfe93d09.jpeg "ჩემპიონთა ლიგა. 1/8-ფინალი: \"ლაიფციგს\" გოლი არ ჩაუთვალეს, \"რეალმა\" გაიმარჯვა - \"სიტი\" ცალი ფეხით მეოთხედფინალშია [VIDEO]")
