30 ნოემბერს ქართველი ლეგიონერების გუნდებმა ჩემპიონატსა და თასზე ითამაშეს.კახა მახარაძემ უზბეკეთის თასი მოიგო. მისმა "ლოკომოტივმა" ფინალში "ნასაფს" 1:0 მოუგო. გამარჯვებულთა შორის ქართველმა ლეგიონერმა სრულად ითამაშა.
ავსტრიული ბუნდესლიგის მორიგ ტურში ვენის "რაპიდი" გასვლაზე "მატერსბურგს" დაუზავდა - 1:1. გიორგი ქვილითაია ძირითად შემადგენლობაში იყო და მოედანზე 90 წუთი დაჰყო.
ისრაელში "ტოტოს თასს" მეოთხედფინალიდან დაემშვიდობა შოთა არველაძის "მაკაბი", რომელსაც "შმონასთან" შინ 3:2 ჰქონდა მოგებული, თუმცა გასვლაზე 0:1 დამარცხდა და გზა მეტოქეს დაუთმო.
ნორვეგიის ტიპელიგაში (უმაღლესი) ადგილის შესანარჩუნებლად მებრძოლმა "სტაბეკმა" პლეი აუტის პირველი მატჩი
რუსეთის ჩემპიონატში "რუბინმა" შინ 1:0 მოუგო ტულის "არსენალს". საბა კვირკველიამ, უკვე ტრადიციულად, მთელი მატჩი სათადარიგო სკამზე გაატარა.
უკრაინის თასის გათამაშებას მეოთხედფინალიდან გამოეთიშა პოლტავის "ვორსკლა". სანდრო კობახიძის გუნდმა სტუმრად 0:1 წააგო მისივე ყოფილ კლუბ "დნიპროსთან". კობახიძემ 90 წუთი ითამაშა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
![ქვილითაია შეცვლაზე შევიდა და გამარჯვების გოლი გაიტანა [VIDEO]](/pictures/image7/aadcdae6e21b47ebad0460b665f589a8.jpg "ქვილითაია შეცვლაზე შევიდა და გამარჯვების გოლი გაიტანა [VIDEO]")
