ანგარიში მე-10 წუთზე გაიხსნა. მსაჯმა სამტრედიელთა კარში პენალტი დანიშნა, რომელიც ზუსტად აფრან ისმაილოვმა შეასრულა.
აღსანიშნავია, რომ ამ გოლამდე სტუმრებმა ორი ყვითელი ბარათის მიღება მოასწრეს. მე-5 წუთზე გიული მანჯგალაძე გააფრთხილეს, ხოლო მე-8 წუთზე ბაქარი ბალდე.
37-ე წუთზე მასპინძლების სამრეთაფრიკელმა ლეგიონერმა დინო ნდლოვუმ სხვაობა ორამდე გაზარდა, ხოლო ტაიმის მიწურულს კი დუბლი მიითვალა და ანგარიში 3:0 გახადა. აზერბაიჯანელებმა მესამე გოლიც პენალტიდან
მეორე ტაიმში "სამტრედიამ" ღირებული ვერაფერი შექმნა, ყველაზე სახიფათო გიული მანჯგალაძის მიერ დარტყმული საჯარიმო იყო, რომელსაც მეტოქის მეკარე დახვდა.
83-ე წუთზე ისევ მასპინძლებმა გაიტანეს. ამჯერად თავი შეცვლაზე შემოსულმა დონალდ გუერერომ გამოიჩინა. 92-ე წუთზე კი ქართველების დაცვა სრულიად ჩავარდა, მაშინ როცა სამტრედიელებს თამაშგარე ეგონათ, მიჩელმა ჩვენს საჯარიმოში, რაც მოისურვა, ყველაფერი გააკეთა, ჯერ ძელს გაარტყა, შემდეგ კი დამატებაზე გოლიც გაიტანა.
საბოლოოდ "სამტრედია" ანგარიშით 0:5 დამარცხდა. ამასთან ერთად ქართველებს ძალიან ცუდი სტატისტიკური მაჩვენებელი ჰქონდათ - მხოლოდ ერთი დარტყმა კარში და გოლის გატანის რეალური შანსი ერთხელაც არ ჰქონიათ.
საპასუხო მატჩი "დინამო არენაზე" 18 ივლისს გაიმართება.
"სამტრედიამ" მატჩი შემადგენლობით ჩაატარა:
ომარ მიგინეიშვილი, ლაშა კასრაძე, ნიკა სანდოხაძე, გიული მანჯგალაძე, დავით რაჟამაშვილი (69, გიორგი ბერიაშვილი), თეიმურაზ მარკოზაშვილი, ნიკოლოზ საბანაძე, გიორგი მჭედლიშვილი, ბაქარი ბალდე, გიორგი დათუნაიშვილი, გურამ სამუშია (64, დავით ჯიქია).
სამტრწდიას ფეისბუქის ადმინი დაიმალა და არც სჩანს რომ ეს უხამსობა აღკვეთოს ( ვიღაც ბოხუას ბიჭია მგონი) ასევე არ სჩანს ქართველ გულშემატკივართა "მაფრთხობელა", სკ სამტრედიას უსაფრთხოების ოფიცერი ვიღაც "ვახო ყურულაშვილი" თავისიანებს დედას აგინებს,აზერების შემოსევას კი თაგვივით დაშინებული სადღაც კუნჭულიდანა უყურებს.
ფუნქციონალურად მოშლილი და გაუმართავი სკ სამტრედიას კლუბის მენეჯმენტი და სამსახურები სამარცხვინოები არიან.
ფეხბურთელები მეცოდებიანა, რომ მათზე ტყდება ყველა ჯოხი.