"დინამო" ცალი ფეხით უკვე ევროპის ლიგის პლეი ოფშია და, თუ ჩემპიონთა ლიგაზე "შტურმის" ბარიერი ვერ გადალახა, იქ თამაში დაბევებული აქვს "ზესტაფონსაც". ასე რომ, მიმდინარე სეზონი ორი ქართული კლუბისთვის წარმატებულად მიმდინარეობს და იმედია, ჯგუფური ეტაპით წლეულს მაინც ვისიამოვნებთ.თუკი საპლეიოფო ეტაპი წინა წლებში საოცნებოდ გვქონდა, ახლა იქ მინიმუმ ერთი ქართული კლუბი მაინც ითამაშებს და ალბათ გაინტერესებთ, ვისთან მოუწევთ ქართველებს დაპირისპირება ჯგუფური ეტაპისკენ სავალი გზის ბოლო მონაკვეთზე.
არ გაგიკვირდებათ, თუ ვიტყვით, რომ ძალიან ბევრი რამ აქაც იღბლზეა დამოკიდებული. შესაძლოა, ჩვენი კლუბი (იქნებ,
ბუნებრივია, პლეი ოფში განუთესავები ვიქნებით. განთესილთა საბოლოო სია მხოლოდ ჩემპიონთა ლიგისა და ევროპის ლიგის მესამე საკვალიფიკაციო რაუნდის განმეორებითი მატჩების შემდეგ გახდება ცნობილი, თუმცა პოტენციურ მოწინააღმდეგეთა მიახლოებითი ცხრილის შედგენა მაინც შესაძლებელია.
შეგახსენებთ, ევროპის ლიგის ჯგუფურ ეტაპზე ოთხ-ოთხი კლუბისგან დაკომპლექტებული 12 ჯგუფია. ჯგუფურ რაუნდში პირდაპირ ვერავინ ხვდება, იქ თამაშის უფლებას ევროპის ლიგის პლეი ოფში გამარჯვებული 38 და ჩემპიონთა ლიგის პლეი ოფში დამარცხებული 10 გუნდი მიიღებს.
როგორც უკვე გითხარით, ორი ევროტურნირის მესამე საკვალიფიკაციო რაუნდზეა დამოკიდებული, როგორ შეივსება განთესილი 38-ეული, ჩვენ კი გადავწყვიტეთ, სავარაუდო მეტოქეთა რიცხვი ოდნავ გავზარდოთ და უეფას საკლუბო რეიტინგზე დაყრდნობით 38-ში მოხვედრის კანდიდატების სია შემოგთავაზოთ. ოღონდ, აქედან ზოგიერთი ევროპის ლიგას, შესაძლოა, მესამე ეტაპზევე დაემშვიდობოს.
ევროპის ლიგის პლეი ოფში ჩემპიონთა ლიგის მესამე საკვალიფიკაციო ეტაპზე დამარცხებულებიც ითამაშებენ და ვნახოთ, ვის აქვს აქ მოხვედრის პერსპექტივა. აქაც მხოლოდ უხეშ გათვლებს თუ გამოვიყენებთ და მესამე ეტაპის პირველი მატჩების მიხედვით ვიმსჯელებთ.
ცნობისთვის: თუ "ზესტაფონმა" "შტურმი" გააგდო, ავსტრიის ჩემპიონს ევროპის ლიგის პლეი ოფში განსათესად რეიტინგი არ ჰყოფნის.
დიდია იმის ალბათობა, რომ ჩემპიონთა ლიგიდან ევროპის ლიგაზე განთესვისთვის საჭირო რეიტინგის მქონე ხუთმა კლუბმა გადაინაცვლოს. მაგალითად, "დინამომ" (უკრაინა), "რეინჯერსმა" (შოტლანდია), "სტანდარდმა" (ბელგია), "რუსენბორგმა" (ნორვეგია), აპოელ-მა (კვიპროსი). შესაბამისად, წარმოგიდგენთ ევროპის ლიგის მონაწილე საუკეთესო რეიტინგის მქონე 33 კლუბს:
აეკ (საბერძნეთი)
პაოკ (საბერძნეთი)
ანდერლეხტი (ბელგია)
ბრიუგე (ბელგია)
ატლეტიკი (ესპანეთი)
ატლეტიკო (ესპანეთი)
სევილია (ესპანეთი)
ბეშიქთაში (თურქეთი)
ტოტენჰემი (ინგლისი)
ბირმინგემი (ინგლისი)
ფულჰემი (ინგლისი)
სტოკი (ინგლისი)
სელტიკი (შოტლანდია)
შალკე (გერმანია)
ლაციო (იტალია)
რომა (იტალია)
პალერმო (იტალია)
ლოკომოტივი (რუსეთი)
სპარტაკი (რუსეთი)
მეტალისტი (უკრაინა)
პსჟ (საფრანგეთი)
რენი (საფრანგეთი)
პსვ (ჰოლანდია)
ალკმაარი (ჰოლანდია)
ბრაგა (პორტუგალია)
სპორტინგი (პორტუგალია)
სტიაუა (რუმინეთი)
ზალცბურგი (ავსტრია)
აუსტრია (ავსტრია)
ჰაპოელი თ. (ისრაელი)
ანორთოსისი (კვიპროსი)
სპარტა (ჩეხეთი)
იანგ ბოიზი (შვეიცარია)
ნასიონალი* (პორტუგალია)
ჰანოვერი* (გერმანია)
მაინცი* (გერმანია)
დნიპრო* (უკრაინა)
სოშო* (საფრანგეთი)
აქ 33-ზე 5-ით მეტი კლუბი წარმოვადგინეთ, რომელთაგანაც განთესილებში ისინი და იმ შემთხვევაში მოხვდებიან, თუ საუკეთესო 38-ეულში მყოფთაგან რომელიმე პლეი ოფამდე ვერ მიაღწევს. (პრიორიტეტი აქვს "ნასიონალს", შემდეგ "ჰანოვერს" და ა.შ.) ასე, მაგალითად: განთესვის კანდიდატთაგან გავარდნისკენ "დიდი ნაბიჯი გადადგა" "გაგრას" მძლეველმა "ანორთოსისმა", რომელიც შინ მაკედონიურ "რაბოტნიჩკისთან" 0:2 დამარცხდა.
კიდევ ერთხელ გავუსვათ ხაზი იმ გარემოებას, რომ კალათების შედგენაზე გავლენას ჩემპიონთა ლიგის მატჩებიც მოახდენს და განთესილ-განუთესავებში, ალბათ, მცირე კორექტივებსაც შეიტანს.
ჩემპიონთა ლიგისა და ევროპის ლიგის პლეი ოფების წილისყრა 5 აგვისტოს გაიმართება.
ყოველდღიური სპორტული გაზეთი "ლელო"
