"ტორპედომ" სლოვენიური შეკრება გამარჯვებით დაასრულა. ქუთაისელებმა ბოლო საკონტროლო მატჩი რამათ განის "ჰაპოელთან" ჩაატარეს და 2:1 გაიმარჯვეს. ანგარიში პირველი ტაიმის შუა წუთებში გრიგოლ დოლიძემ გახსნა, ებრაელებმა წონასწორობა შესვენების წინ აღადგინეს. შეხვედრის დასრულებამდე 15 წუთით ადრე კი "ტორპედოს" გამარჯვება ნიკა საბანაძემ მოუტანა.
"ტორპედომ" "ჰაპოელთან" ამ შემადგენლობით ითამაშა: მიგინეიშვილი, დ.ფოფხაძე, ს.თოდუა, ქემოკლიძე, ჩიკვილაძე, სეთურიძე (67. დ.კირკიტაძე), გურული (46. მანჩხავა), დოლიძე (72. იოსელიანი), თარხნიშვილი, დ. ბოლქვაძე (67. საბანაძე), რ.გოცირიძე (57. მეგრელაძე).
ყოველდღიური სპორტული გაზეთი "ლელო"
