მიმდინარე ევროტურნირებზე წარმატებულმა ასპარეზობამ საგრძნობლად გააუმჯობესა ქართული კლუბების მდგომარეობა უეფას კოეფიციენტების რეიტინგში, რომელსაც IFFHS-ის რეიტინგისგან განსხვავებით, სულაც არ აქვს სიმბოლური დატვირთვა. სწორედ იქ დაკავებული ადგილი განსაზღვრავს ამა თუ იმ კლუბის საევროთასო გზას - რომელი ეტაპიდან ჩაერთვება ჩემპიონთა ლიგის ან ევროპის ლიგის გათამაშებაში და როგორი სიძლიერის მეტოქეებთან დაიჭერს იქ საქმეს.
ქართული კლუბებიდან საუკეთესო პოზიცია თბილისის "დინამოს" უკავია. დედაქალაქელები დღეისთვის 208-ე ადგილზე არიან, რაც იმას ნიშნავს, რომ საქართველოს ჩემპიონობის შემთხვევაში ალექს გარსიას გუნდი ჩემპიონთა ლიგის მეორე საკვალიფიკაციო ეტაპზე განთესილი იქნება; 229-ეა "ზესტაფონი"
თუ მოხდა სასწაული და საქართველოს ჩემპიონი "ვიტ ჯორჯია" გახდა, ჩემპიონთა ლიგაზე განუთესავი იქნება, რადგან 276-ე ადგილზეა; კიდევ უფრო ქვემოთ, 321-ე პოზიციაზეა "გაგრა". ამ რეიტინგში სულ ეს ხუთი ქართული კლუბია წარმოდგენილი, რაც იმას ნიშნავს, რომ თუ მათ გარდა ევროსარბიელზე სხვა ქართული კლუბი გავიდა, წილისყრაში ნაკლებად გაუმართლებს.
რეიტინგის საუკეთესო ათეული კი ასე გამოიყურება:
1. მანჩესტერ იუნაიტედი (ინგლისი)
2. ბარსელონა (ესპანეთი)
3. ჩელსი (ინგლისი)
4. ბაიერნი (გერმანია)
5. არსენალი (ინგლისი)
6. პორტუ (პორტუგალია)
7. რეალი (ესპანეთი)
8. ინტერი (იტალია)
9. ლივერპული (ინგლისი)
10. ლიონი (საფრანგეთი)
ყოველდღიური სპორტული გაზეთი "ლელო"
