ზუგდიდის "ბაიას" 20 წლის მცველი დათა რიგვავა კარიერას ქუთაისის "ტორპედოში" გააგრძელებს. რიგვავა ზუგდიდელთა დაცვის ერთ-ერთი ლიდერი იყო და ახალგაზრდული ასაკის მიუხედავად, თავი სტაბილური თამაშით დაგვამახსოვრა. მიმდინარე ჩემპიონატში მან 17 მატჩი ჩაატარა, მე-18 კი გაფრთხილებათა სიჭარბის გამო გამოტოვა.
გამორიცხული არ არის, "ბაიადან" "ტორპედოში" კიდევ ერთი ფეხბურთელი გადავიდეს. ქუთაისელებმა ზუგდიდელებს 28 წლის ნახევარმცველის, ლევან წურწუმიას შეძენის სურვილით მიმართეს და უახლოეს დღეებში გაირკვევა, რა გამოვა ამ მოლაპარაკებიდან.
ყოველდღიური სპორტული გაზეთი "ლელო"
