გიორგი აბურჯანიამ ბელგიურ "გენკში" სინჯები წარმატებით დაიწყო. "გენკის" 19-წლამდელთა გუნდში ჩატარებულ პირველივე საკონტროლო მატჩში საქართველოს 17-წლამდელთა ნაკრების კაპიტანმა დუბლი შეასრულა. "გენკმა" ის შეხვედრა "აალსტის" 19-წლამდელებს 3:2 მოუგო.აბურჯანია ბელგიაში კიდევ ათი დღე დარჩება, რამდენიმე ტესტ-მატჩს ჩაატარებს და მისი "გენკში" დარჩენა-არდარჩენის საკითხიც ამის შემდეგ გადაწყდება.
შეგახსენებთ, აბურჯანიათი შემოდგომაზე შვეიცარიული "ბაზელი" იყო დაინტერესებული და ქართველი ნახევარმცველის იქ გადასვლა თითქოს გადაწყვეტილი იყო, მაგრამ ტრანსფერი ვერ განხორციელდა. იმედია, ამჯერად ყველაფერი კარგად
თუ "გენკმა" კონტრაქტი გაუფორმა, აბურჯანია თავდაპირველად 19-წლამდელებში ითამაშებს და მთავარ გუნდში დამკვიდრების შანსი მომავალი სეზონიდან მიეცემა.
ცნობისთვის, "გენკი" დღეისთვის ბელგიის ჩემპიონატში მე-5 ადგილზეა.
ყოველდღიური სპორტული გაზეთი "ლელო"
