რომან ფიფია: გოგიტა გოგუა, ალბათ, თბილისის "დინამოს" დატოვებს

AutoSharing Option
სეზონი თბილისის "დინამოსთვის" სავალალოდ დასრულდა - საქართველოს ყველაზე ცნობილი და ტიტულოვანი კლუბი საპრიზო სამეულს მიღმა პირველად აღმოჩნდა.

სწორედ ეს გახდა მიზეზი, სეზონის დასრულებამდე მცირე ხნით ადრე კლუბის მეპატრონემ რომან ფიფიამ რომ ბრძანა: დიდ საკადრო ცვლილებებს ვამზადებთო.

ცნობილი გახდა, რომ ფიფიამ სპორტული დირექტორის პოსტი რუსთავის "მეტალურგის" მმართველ დირექტორს, ბუბა ტყავაძეს შესთავაზა.

შემადგენლობაშიც დიდი ცვლილებებია მოსალოდნელი, მაგრამ ცნობილი მხოლოდ რამდენიმე წამსვლელის ვინაობაა - ირჟი ჰომოლას კონტრაქტი დაუსრულდა და გუნდს მისი გაგრძელება აღარ შეუთავაზებია, მამუკა ლომიძემ თავად გამოთქვა სლოვაკეთში დაბრუნების სურვილი, გულვერდ თომაშვილი
გორის "დილაში" გადავიდა, გამოცდილმა მეკარე სოსო გრიშიკაშვილმა კი კარიერა დაასრულა.

ფიფიამ რამდენიმე საინტერესო ამბავი გაგვიმხილა:

"შემადგენლობის განახლება ნამდვილად გვსურს, მაგრამ ჯერ ვერ გეტყვით, ვინ დაგვტოვებს. მაგალითად, ჰომოლა ნამდვილად დაგვემშვიდობა.

მაგრამ არიან ისეთი ფეხბურთელებიც, რომლებმაც ლამის "საქორწინო ხელშეკრულებები" გააფორმეს და ეს თავადაც იციან.

უღირსები ამით სარგებლობენ, ნორმალური და ღირსეული ადამიანები კი ამას არ კადრულობენ.

რას ვიზამთ, არის ფიფა, კანონი და ამ კანონებს დავიცავთ. ამიტომ ასეთი ფეხბურთელები იძულებულები იქნებიან, თამაშის ხარისხს მაინც მოუმატონ, ეს ერთი წელი "დინამოში" რომ გაძლონ" .

თუმცა "დინამოს" მეპატრონეს აღარ დაუკონკრეტებია, ვის გულისხმობდა.

სეზონის დასრულების შემდეგ გავრცელდა ინფორმაცია, რომ გუნდს ნიჟნი ნოვგოროდის "ვოლგადან" ჩამოყვანილი გოგიტა გოგუაც დატოვებდა:

"სავარაუდოდ, ასე იქნება და ალბათ, გოგუა თამაშს სხვაგან გააგრძელებს. სხვა წამსვლელებზე ვერაფერს გეტყვით. ორ კვირაში ამაზე ბუბა ტყავაძე დაგელაპარაკებათ".

ფიფიამ ფეხბურთის ფედერაციის 21-ე ყრილობას რიგგარეშე ყრილობის ჩატარებისა და აღმასკომის განახლების ინიციატივით მიმართა, თუმცა დელეგატების უმრავლესობამ წინადადება ჩააგდო:

"არა უშავს, თანამშრომლობის იმედი მაინც მაქვს. პროფლიგის ჩამოყალიბება კლუბების უფლებების გაზრდას ნიშნავს და ეს მაიმედებს".

რომან ფიფია: გგუა, სავარაუდოდ, წავა (იბეჭდება მცირე ცვლილებით)
ყოველდღიური სპორტული გაზეთი "ლელო"

ასევე იხილეთ
თბილისის "დინამო" - დიდი ცვლილებების მოლოდინი

დუშან უჰრინი უმცროსი: თბილისის "დინამოს" მამაჩემთან ერთად გავწვრთნი

უცხოელი მწვრთნელები, რომლებიც რომან ფიფიამ თბილისის "დინამოსთვის" არ ისურვა
მკითხველის კომენტარები / 4 /
ეს ის ბუბა ტყავაძე არ არის ფიფიას მოსვლისთანავე რომ გაუშვეს?? თუ რამე მეშლება? სიმართლე ითქვას და მაგარიც მახატია დინამო, სადაც გუნდის 5:0 გამარჯვების შემთხვევაშიც კი ევრო პირველობაზე, ხუთივე გოლი უცხოელების მიერ არის გატანილი. ერთადერთი გუნდი რომელიც მომწონს ზესტაფონია, რომელიც ქართველი ფეხბურთელებით არის დაკომპლექტებული და ქართულ თამაშსაც აჩვენებს.
odala
19:59 07-06-2012
0
ფეხბურთი ჩემი ცხოვრების განუყოფელი ნაწილია, მაგრამ სამწუხაროდ დადებით ემოციებს ჩემში მხოლოდ უცხოური ფეხბურთიღა იწვევს ან გიო ქინქლაძის ჩანაწერების გახსენება. გილოცავ რომან ფიფია! ნაპოლეონის სინდრომით დაავადებულ ბუბა ტყავაძესთან ტანდემის შექმნას. ეს ადამიანი ვერ იტანს ლიდერის თვისებებით გამორჩეულ ფეხბურთელებს. მხოლოდ უსიტყვოდ მორჩილებს წყალობს. თბილისის დინამოც ალბათ ციხის დისციპლონით გამორჩეული ნაცრისფერი გუნდი გახდება, შეიძლება უკეთესი სატურნირო მდგომარეობით. არადა დინამოს თამაშებზე ქართველი ვარსკვლავების თამაშის საყურებლად დავდიოდით.ბუბა ჩაერევა ფეხბურთელების შერჩევაში და ინდივიდუალისტებს დარწმუნებული ვარ დინამოში აღარ გააჩერებენ. ბელორუსიის ახალგაზრდული ნაკრების მწვრთნელის ინტერვიუ წავიკითხე:"მიყვარს ბუნტისთავები, მათთან მეტი მუშაობაა საჭირო. სამაგიეროდ სულ თვალებში რომ გიყურებენ, იმ ფეხბურთელებისგან განსხვავებით მოედანზე მუხლები არ უკანკალებთ"-ო. იქნებ ვინმემ დამისაბუთოს ასეთი ხალხის ხელში ქართულ ფეხბურთს რამე ეშველება?
nuca
17:39 07-06-2012
0

სიახლეები პოპულარული