ავსტრიულ შეკრებაზე გორის "დილამ" მესამე შეხვედრაში პირველად გაიმარჯვა. პალაუს სტადიონზე გორელებმა ავსტრიის პირველი ლიგის "ჰარტბერგი" 3:1 დაამარცხეს."დილადან" თავი გამოიჩინეს მათე ვაწაძემ (2 გოლი) და გიორგი კახელიშვილმა.
შეგახსენებთ, მანამდე "დილა" ბოსნიურ "სარაევოს" დაუპირისპირდა და 1:3 დამარცხდა. მაგრამ წაგებას ვინ ჩივის, გიორგი ონიანს "სარაევოს" ფეხბურთელმა ემირ ობუცამ იდაყვი ისე ძლიერად ჩასცხო, გორელთა ცენტრალურ მცველს ცხვირი გაუტყდა და სტადიონიდან პირდაპირ საავადმყოფოში გააქანეს.
"დილას" პრესატაშე მიხეილ ჯორბენაძის თქმით, ონიანის მდგომარეობა საკმაოდ მძიმეა:
"მის ჯანმრთელობას საფრთხე არ ემუქრება, მაგრამ ცხვირი აქვს გატეხილი და მძიმე
25 ივნისს ვენაში გამოკვლევებზე იყო და ექიმის თქმით, ცხვირის ოპერაცია დასჭირდება. მაგრამ ავსტრიაში არ გაიკეთა - "დილა" საქართველოში 28 ივნისს მოფრინავს, ოპერაციის შემთხვევაში კი გიორგის, მინიმუმ, ერთი კვირა საავადმყოფოში დარჩენა მოუწევდა. ამიტომ ორი დღის მოთმენა ამჯობინა და ოპერაციას საქართველოში დაბრუნების შემდეგ გაუკეთებენ.
ჯერ ნაადრევია იმაზე ლაპარაკი, დანიურ "ორჰუსთან" ითამაშებს თუ არა, მაგრამ ამის ალბათობა არსებობს.
არადა, გიორგი გამოცდილი მცველია და მისი დახმარება ძალიან გვჭირდებოდა".
ამავე დროს გავრცელდა ხმები, თითქოს გორის "დილაში" გააგრძელებს კარიერას "ზესტაფონისა" და საქართველოს ნაკრების ნახევარმცველი შოთა გრიგალაშვილი. მაგრამ ჯორბენაძის თქმით, ამ ტრანსფერზე "დილაში" ლაპარაკი არ ყოფილა.
ითამაშებს ონიანი ევროლიგაზე? (იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
დავით დევდარიანი დანიური "ორჰუსის" გულშემატკივრებს თბილისში ეპატიჟება
გორის "დილას" მეტოქე ევროპალიგაზე - დანიური "ორჰუსი"
გორის "დილამ" უკრაინელებთან მარცხი იწვნია
გორის "დილა" ავსტრიულ შეკრებაზე კაცნაკლული გუნდით თამაშს ეუფლება
