საქართველოს ნაკრების ყოფილ კაპიტანს, კოალიცია "ქართული ოცნების" ერთ-ერთ ლიდერს, კახი კალაძეს საქართველოს ბანკებში არსებული ყველა ანგარიში დაუყადაღეს. ამის შესახებ განცხადება ბიძინა ივანიშვილის პრესსპიკერმა მაია ფანჯიკიძემ "ქართული ოცნების" ოფისში გააკეთა.
ფანჯიკიძის ცნობით, აღნიშნული გადაწყვეტილება მიღებულ იქნა 25 ივლისს, თბილისის საქალაქო სასამართლოს მოსამართლე გიორგი გოგინაშვილის მიერ პროკურორ ელიზბარ გოზალაშვილის შუამდგომლობით.
როგორც ფანჯიკიძემ აღნიშნა, გადაწყვეტილება ახსნილია იმით, რომ კალაძის მხრიდან ადგილი ჰქონდა უკანონო შემოსავლების ლეგალიზაციას.
"როდესაც საქმე გვაქვს ისეთ ცნობილ სპორტსმენთან, როგორიც კახი კალაძეა, მისი შემოსავლების შესახებ ეჭვები არ უნდა ჩნდებოდეს", - განაცხადა
მისივე შეფასებით, ეს არის პოლიტიკური დევნა და ის მხოლოდ ერთადერთ მიზანს ემსახურება – ხელი შეუშალოს კალაძის საქმიანობას პოლიტიკურ კოალიციაში.
"ინტერპრესნიუსი"
ეხლა რასაც აკეთებს ხელისუფლება, არის სამარცხვინო.