მიმდინარე სეზონის პირველი ეტაპის შემდეგ "ვიტ ჯორჯია" დატოვა 24 წლის თავდამსხმელმა ბესიკ ჩიმაკაძემ.ეს ფეხბურთელი თავის დროს საქართველოს ახალგაზრდული ნაკრების წევრი იყო. ჩიმაკაძე თბილისის "ამერიდან" გაიცნო საფეხბურთო მილეთმა.
ის "ვიტ ჯორჯიაშიც" ერთ-ერთი საკვანძო მოთამაშე გახლდათ, კლასიკური ცხრა ნომერი, ჯანმაგარი და ორთაბრძოლებში გამორჩეული.
ასეთ ფორვარდს სხვა რომელიმე ქართულ გუნდში მოწყობა არ გაუჭირდებოდა, თუმცა შევიტყვეთ, რომ უკრაინაშია წასული და იქაურ "კრივბასში" ცდილობს თავის დამკვიდრებას.
ჩიმაკაძის უკრაინაში დარჩენის საკითხი დღე-დღეზე გადაწყდება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
