თურქეთის ქალაქ ალანიაში პრესტიჟული საერთაშორისო ტურნირი "Evima Cup 2013" ხუთ ასაკობრივ კატეგორიაში გაიმართა. 1999 წელს დაბადებულთა შორის საქართველო თბილისის "ლოკომოტივისა" და "ტორპედო-ავაზას" საფეხბურთო სკოლებმა წარმოადგინეს. "ტორპედო-ავაზა" გამარჯვებული დაბრუნდა.
28 წელიწადია, რაც მისი მთავარი მწვრთნელი ანზორ ზუკაკიშვილი "ავაზაში" ქართულ ფეხბურთს ემსახურება და ბევრი ცნობილი მოთამაშე გაუზრდია. მაგალითად, ახლა "ტორპედოში" მისი ორი ფეხბურთელი თამაშობს - გრიგოლ დოლიძე და მერაბ გიგაური.
ტურნირი ჯგუფური ფორმატით ჩატარდა და მასში სხვადასხვა ქვეყნის 50 გუნდი მონაწილეობდა. ჯგუფში "ტორპედო-ავაზამ" ერთადერთი მატჩი მოსკოვის "სტროგინოს" აკადემიასთან დათმო (1:3). ფინალშიც სწორედ
ტორპედოელებმა ორ ნომინაციაში გაიმარჯვეს - საუკეთესო ფეხბურთელად ლევან კუპრაძე დაასახელეს, ბომბარდირი კი საქართველოს 15-წლამდელთა ნაკრების წევრი ალეკო შეყილაძე გახდა. ამ უკანასკნელს წილად ხვდა მაყურებლის სიმპათიის პრიზიც.
აღსანიშნავია, რომ "ტორპედო-ავაზა" ზაფხულში ბულგარეთში გასამართ სოლიდურ ტურნირზეც მიიწვიეს, სადაც ლონდონის "ჩელსისა" და ამსტერდამის "აიაქსის" ასაკობრივი გუნდებიც იასპარეზებენ.
ცნობისთვის: "ტორპედო-ავაზას" ეს გუნდი ელიტლიგის მოქმედი ჩემპიონია.
(იბეჭდება მცირე ცვლილებით)
ყოველდღიური სპორტული გაზეთი "ლელო"
