როგორც მატჩის ორგანიზატორმა დავით მუჯირმა 21 მაისს გამართულ პრესკონფერენციაზე განაცხადა, "მილანის" შემადგენლობაში ითამაშებენ: ვალერიო ფიორი, სებასტიანო როსი, როკე ჟუნიორი, პაოლო მალდინი, ჯანლუკა ძამბროტა, იაპ სტამი, მასიმო ოდო, დარიო შიმიჩი, რუი კოშტა, მატიე ფლამინი, იბრაჰიმ ბა, კრისტიან ვიერი, ანდრეი შევჩენკო, ფილიპო ინძაგი.
ამასთან, მუჯირის ინფორმაციით, ეს არ არის "მილანის" საბოლოო შემადგენლობა, თუმცა არსებითი ცვლილება შემადგენლობაში არ მოხდება.
მისივე განცხადებით, მატჩისთვის შეიძლება ჩამოვიდეს კაკაც. ეს იმაზე იქნება დამოკიდებული, გამოიძახებენ თუ არა მას
რაც შეეხება სამუელ ეტო'ოს, იგი მზად იყო, მატჩში მიეღო მონაწილეობა, თუმცა კლუბში თამაშის გამო ჩამოსვლას ვერ ახერხებს.
რაც შეეხება კალაძის მეგობრების გუნდს, მუჯირის განცხადებით, სრულად ჯერ არ არის დაკომპლექტებული, თუმცა ცნობილია, რომ კალაძის მეგობრების გუნდში ითამაშებს ფაბიო კანავარო.
"გუნდი იქნება ინტერნაციონალური და მასში, ქართველი ფეხბურთელების გარდა, სხვა ეროვნების ფეხბურთელებიც ითამაშებენ. "მილანის" მწვრთნელები იქნებიან კარლო ანჩელოტი და ჩეზარე მალდინი.
რაც შეეხება კალაძის გუნდს, ალექსანდრე ჩივაძე და ფათიჰ თერიმი უხელმძღვანელებენ", - აღნიშნა მუჯირმა.
კახა კალაძის გასაცილებელ მატჩზე ბილეთები "დინამო არენასა" და მესხის სახელობის სტადიონის სალაროებში 22 მაისიდან გაიყიდება. ფასი 5, 7 და 10 ლარი იქნება.
კახა კალაძის გასაცილებელი მატჩი "დინამო არენაზე" 31 მაისს, 20:30 საათზე დაიწყება. თბილისში მაღალი რანგის ოფიციალურ დელეგაციებსაც ელოდებიან.
"ინტერპრესნიუსი"