დუ­შე­თი "არაგ­ვის" აღ­დ­გე­ნას ელის

წლე­ბის წი­ნათ სა­ქარ­თ­ვე­ლოს ჩემ­პი­ო­ნა­ტის ქვე­და ლი­გებ­ში სის­ტე­მა­ტუ­რად ას­პა­რე­ზობ­და დუ­შე­თის "არაგ­ვი". ამ პა­ტა­რა ქა­ლაქ­ში სა­ფეხ­ბურ­თო კე­რა ყო­ველ­თ­ვის იყო და ად­გი­ლობ­რივ ნორჩ ფეხ­ბურ­თე­ლებს ზრდის­თ­ვის მო­ტი­ვა­ცია ჰქონ­დათ - მა­თგან სა­უ­კე­თე­სო­ებს დიდ ფეხ­ბურ­თ­ში გზის გაკ­ვალ­ვის შანსს "არაგ­ვი" აძ­ლევ­და.

ბო­ლო სე­ზო­ნებ­ში კი დუ­შე­თი გუნ­დის გა­რე­შეა დარ­ჩე­ნი­ლი. ამის მი­უ­ხე­და­ვად, არ წყდე­ბა ბავ­შ­ვ­თა ჯგუ­ფე­ბის ფუნ­ქ­ცი­ო­ნი­რე­ბა და პა­ტა­რე­ბი "დუ­შე­თის" სა­ხე­ლით საკ­მაო წარ­მა­ტე­ბით ას­პა­რე­ზო­ბენ ასა­კობ­რივ შე­ჯიბ­რე­ბებ­ში.

"დუ­შეთს" ად­გი­ლობ­რი­ვი სპე­ცი­ა­ლის­ტი ში­ო­ლა ში­ო­ლაშ­ვი­ლი ხელ­მ­ძღ­ვა­ნე­ლობს, რო­მე­ლიც "არაგ­ვის" აღ­სად­გე­ნად იბ­რ­ძ­ვის.

"არა­ერ­თი ნი­ჭი­ე­რი ბავ­შ­ვი გვყავს, რომ­ლებ­საც ფეხ­ბურ­თე­ლად ჩა­მო­ყა­ლი­ბე­ბის ყვე­ლა შან­სი მო­ეს­პო­ბათ, თუ "არაგ­ვი" არ აღ­დ­გე­ბა. ამ ბი­ჭებს მო­ტი­ვა­ცია სჭირ­დე­ბათ.

თუ დუ­შეთ­ში ფეხ­ბურ­თი უახ­ლო­ეს პე­რი­ოდ­ში არ აღორ­ძინ­და, მთე­ლი თა­ო­ბა და­ი­კარ­გე­ბა, რაც ჩვე­ნი ქა­ლა­ქის­თ­ვის ნამ­დ­ვი­ლი უბე­დუ­რე­ბა იქ­ნე­ბა", - გვითხ­რა ში­ო­ლაშ­ვილ­მა, რომ­ლის ხელ­მ­ძღ­ვა­ნე­ლო­ბი­თაც 2008-09 წლე­ბის სე­ზონ­ში "არაგ­ვ­მა" სა­ქარ­თ­ვე­ლოს ჩემ­პი­ო­ნა­ტის მე­ო­რე ლი­გა­ში პირ­ვე­ლი ად­გი­ლი და­ი­კა­ვა.

ამის შემ­დეგ კლუბ­ში, რო­მელ­საც პირ­ველ ლი­გა­ში უნ­და ეთა­მა­შა, საქ­მე ცუ­დად წა­ვი­და. ად­გი­ლობ­რივ­მა მუ­ნი­ცი­პა­ლი­ტეტ­მა ჯერ ში­ო­ლაშ­ვი­ლი მოხ­ს­ნა, მა­ლე კი თვით "არაგ­ვ­მაც" შეწყ­ვი­ტა არ­სე­ბო­ბა.

ამ­ჟა­მად ბავ­შ­ვ­თა სა­ფეხ­ბურ­თო სკო­ლა "დუ­შეთ­ში" და­ახ­ლო­ე­ბით 120 მო­ზარ­დი ვარ­ჯი­შობს. ისი­ნი გა­და­სა­ხა­დის­გან გა­თა­ვი­სუფ­ლე­ბულ­ნი არი­ან. მუ­ნი­ცი­პა­ლი­ტე­ტი "დუ­შეთს" ტურ­ნი­რებ­ში სა­მო­ნა­წი­ლეო თან­ხა­საც უხ­დის და მწვრთნე­ლებ­საც მცი­რე ხელ­ფა­სით უზ­რუნ­ველ­ყოფს.

მოკ­რ­ძა­ლე­ბუ­ლი პი­რო­ბე­ბის მი­უ­ხე­და­ვად, "დუ­შე­თი" მი­ზან­მი­მარ­თუ­ლად ვი­თარ­დე­ბა, მაგ­რამ რო­გორც უკ­ვე აღ­ვ­ნიშ­ნეთ, "არაგ­ვის" აღ­დ­გე­ნის გა­რე­შე მი­სი მო­მა­ვა­ლი ბუნ­დო­ვა­ნი ხდე­ბა.

"დუ­შე­თის" აღ­საზ­რ­დე­ლე­ბი ქა­ლა­ქის ცენ­ტ­რა­ლურ სტა­დი­ონ­ზე ვარ­ჯი­შო­ბენ, რომ­ლის ტრი­ბუ­ნე­ბიც ნორ­მა­ლურ მდგო­მა­რე­ო­ბა­შია, მაგ­რამ მო­ედ­ნის სა­ფ­არის ხა­რის­ხი ვე­რა­ვი­თარ კრი­ტი­კას ვერ უძ­ლებს. რა თქმა უნ­და, სა­ნამ "არაგ­ვის" აღ­დ­გე­ნა­ზე მიდ­გე­ბა საქ­მე, ჯერ მო­ე­დანს უნ­და მი­ე­ხე­დოს.

ბო­ლო წლებ­ში ქარ­თუ­ლი სა­ფეხ­ბურ­თო რუ­კა გვა­რი­ა­ნად შემ­ცირ­და და დუ­შე­თი ერთ-ერ­თი იმ ქა­ლაქ­თა­გა­ნია, სა­დაც გულ­შე­მატ­კი­ვარ­მა სა­კუ­თა­რი გუნ­დი და­კარ­გა.

იმე­დია, ისე­ვე, რო­გორც სხვა რე­გი­ო­ნებ­ში, სა­ფეხ­ბურ­თო კე­რა დუ­შეთ­შიც გა­ცოცხ­ლ­დე­ბა.

ყოველდღიური სპორტული გაზეთი "ლელო"