20 აგვისტოს "ტოტენჰემ ჰოთსპური" თბილისში ჩამოვიდა. ლონდონურმა კლუბმა ჩარტერული რეისით იმგზავრა. ბრიტანელთა ხომალდი 23 საათზე დაეშვა თბილისის აეროპორტში. "ტოტენჰემი" თბილისს 40 წლის მერე ესტუმრა. მაშინ "დინამო" სულ სხვა გუნდი იყო. ალბათ, ეს "ტოტენჰემიც" არ ჰგავს მაშინდელს.
პერსონალი კოსტიუმებში, გუნდი სპორტულ პიჟამოში - განსაკუთრებული არაფერი. "ტოტენჰემი" რაღაცნაირად უხმაუროდ ჩამოვიდა, აეროპორტში ვერ ნახავდით ამ გუნდის ჩვენებურ თუ ბრიტანელ ფანებს. "ტოტენჰემი" არ არის დიდი გუნდი და ვინძლო - ამიტომაც.
ორ ტოტენჰემელს გაზეთი ეჭირა ხელში, ორივე "სანის" მკითხველი აღმოჩნდა. "სანი" ბრიტანეთში ყველაზე მაღალტირაჟიანი გაზეთია,
"ტოტენჰემი" აეროპორტში ინტერვიუებისთვის არ შეყოვნდა და ჯიქურ სასტუმროსკენ აიღო გეზი. "თბილისი მარიოტთან" მათ ერთი თინეიჯერი გულშემატკივარი დახვდა, ლონდონელებთან რამდენიმე ფოტო გადაიღო და ავტოგრაფებიც მოინაგრა. ჟურნალისტებთან სასაუბროდ კი ლონდონელებს წუხელ არ ეცალათ, სასტუმროში რეგისტრაცია გადადეს და მყის სავახშმოდ გაემართნენ.
არ ვიცი, რატომ ჰქვია "დეზების" სტადიონს "თეთრი ირმის ბილიკი" ("უაით ჰართ ლეინი") და ვერც იმას გეტყვით, შუაღამით რატომ ივახშმეს "ტოტენჰემის" ფეხბურთელებმა. დასვენებულ-გამოძინებული "ტოტენჰემი" 21 აგვისტოს ალბათ უფრო გახსნილი იქნება ქართული მედიისთვის.
იხილეთ ფოტოგალერეა
![Sportall.Ge](/pictures/artimages/image16/450fc86c5c1928edb6caa5622da7bf55.jpg "40 წლის შემდეგ - ლონდონის "ტოტენჰემი" ისევ თბილისშია [PHOTO]")
თამუნა ყულუმბეგაშვილის ფოტოები
ყოველდღიური სპორტული გაზეთი "ლელო"
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
