2014 წლის მსოფლიოს ჩემპიონატის შესარჩევ ციკლში საქართველოსთან შეხვედრის შემდეგ საფრანგეთის ნაკრები თბილისში დარჩა. დიდიე დეშამის გუნდი ბელორუსთან 10 სექტემბრის მატჩისთვის ჩვენს დედაქალაქში კიდევ ორი დღე ემზადებოდა. ჯამში, "ლურჯებს" საქართველოში 4-დღიანი შეკრება გამოუვიდათ. მათ სამჯერ ივარჯიშეს თბილისის "დინამოს" დიღმის საწვრთნელ ბაზაზე. 8 სექტემბერს კი ფრანგ სტუმრებს "დინამოს" პრეზიდენტმა რომან ფიფიამ უმასპინძლა - ჯერ უშუალოდ ბაზაზე, ხოლო შემდეგ - ვიტალი დარასელიას სახელობის "დინამოს" საფეხბურთო აკადემიაში.
ფიფიას სტუმარი საფრანგეთის ფეხბურთის ფედერაციის ვიცე-პრეზიდენტი ბერნარ დესუმერმა გახლდათ. ის ნანახით აღფრთოვანებული დარჩა.
აი, რა უთხრა მუსიე
"საქართველოში სიურპრიზი დაგვხვდა. ჩვენ ვნახეთ თბილისის "დინამოს" ბაზა, რომელიც უმაღლეს დონეზეა მოწყობილი. მსგავს საწვრთნელ ცენტრსა და პირობებზე ძალიან ბევრი ფრანგული კლუბი იოცნებებდა.
განსაკუთრებით მინდა გამოვყო მოედნების ხარისხი. აქ ყველა დეტალია გათვლილი, რათა ახალგაზრდა ფეხბურთელებმა საკუთარი შესაძლებლობები განავითარონ. ეს არის მოტივაცია მათთვის, რათა კარგ ფეხბურთელებად ჩამოყალიბდნენ.
ვფიქრობ, ამ აკადემიის დაფუძნებით კლუბის ხელმძღვანელობამ მომავლისთვის დიდი ნაბიჯი გადადგა. დარწმუნებული ვარ, ძალიან მოკლე დროში "დინამო" ბევრად უფრო ძლიერი გუნდი იქნება და არა მხოლოდ ეროვნულ, არამედ საერთაშორისო სარბიელზეც".
ყოველდღიური სპორტული გაზეთი "ლელო"
![ეროვნული ლიგა. IX ტური. "გაგრა" - "დინამო" (თბ) [LIVE]](/pictures/image7/59c49b76a32c416bb8a913c48214c59e.png "ეროვნული ლიგა. IX ტური. \"გაგრა\" - \"დინამო\" (თბ) [LIVE]")
![ეროვნული ლიგა. VIII ტური. "დინამო" (თბ) - "კოლხეთი" [LIVE]](/pictures/image7/561d5ff7131c5b2c63dbc262099c8520.jpg "ეროვნული ლიგა. VIII ტური. \"დინამო\" (თბ) - \"კოლხეთი\" [LIVE]")
![ოქრიაშვილის დაბრუნება - ბათუმის "დინამომ" თბილისის "დინამო" დაამარცხა [VIDEO]](/pictures/image7/fd2a659ebbd43666ba5cdb3b2dce11f8.jpg "ოქრიაშვილის დაბრუნება - ბათუმის \"დინამომ\" თბილისის \"დინამო\" დაამარცხა [VIDEO]")
ჰო მართლა, იმედია მუქთად არ შეუშვეს სავარჯიშოდ ფრანგები. ამას პატივისცემაში მაინც არ ჩაგვითვლიან. რაც გერგება უნდა მიიღო.