ფინანსური პრობლემები საქართველოს ძალიან ბევრ გუნდს აქვს და ამის გამო ფეხბურთელებს ხელფასები უგვიანდებათ, ხანდახან ჯამაგირს დაგვიანებითაც ვერ იღებენ. დაახლოებით ასეთ სიტუაციაში აღმოჩნდა ლანჩხუთის "გურიას" მარჯვენა მცველი, კამერუნელი არნუად ჩუენსუ. ის საკმაოდ კარგ ფეხბურთელად ითვლება. იმასაც კი ამბობენ, მისი გადაბირება თბილისის "დინამოსაც" უნდოდაო...
ჩუენსუ 22 წლის გახლავთ, მარჯვენა მცველია და შეტევაში ჩართვაც ეხერხება. კამერუნელს შეეძლო, რამდენიმე თვის ხელფასის ვერმიღების სანაცვლოდ გათავისუფლების ფურცელი მოეთხოვა და თუ თავისუფალი აგენტის სტატუსს მიიღებდა, უფრო იოლად გადავიდოდა სხვა კლუბში, თუმცა აფრიკელმა სხვა გზა აირჩია: დახმარებისთვის საქართველოს
როგორც ამ ასოციაციის პრეზიდენტმა ჯაბა მუჯირმა გვითხრა, მისმა ორგანიზაციამ შესაბამისი სამუშაოები ჩაატარა და ჩუენსუს ინტერესების დაცვაც მოახერხა - ლანჩხუთის "გურიამ" კამერუნელს დაახლოებით 15 ათასი ლარი ჩაურიცხა.
ჯაბა მუჯირმა ჩვენთან საუბარში ისიც აღნიშნა, რომ "გურია" გაგებით მოეკიდა სიტუაციას, რაც საყურადღებო და მნიშვნელოვანია.
ბარემ იმასაც შეგახსენებთ, რომ ჩუენსუ ერიკ რომეო ჩასემის ძმა გახლავთ, რომელიც ერთი პერიოდი ბოლნისის "სიონისა" და "ზესტაფონის" თავდამსხმელი იყო, ახლა კი კამერუნში თამაშობს.
ყოველდღიური სპორტული გაზეთი "ლელო"
ასევე იხილეთ:
"დინამოს" და კვარაცხელიას მაგალითი - როგორ უნდა დაშორდნენ კლუბი და ფეხბურთელი
