"თბილისის ფედერაციამ დედაქალაქის 32-ვე სკოლის მწვრთნელები გამოკითხა და შედეგი მათ მიერ შევსებული ანკეტების მიხედვით შეჯამდა: 2010 წლის საუკეთესო სკოლად დასახელდა 35-ე საფეხბურთო სკოლა, საუკეთესო გუნდად - ნოდარ ჭელიძის გაწვრთნილი 1997 წელს დაბადებულთა "ოლიმპი", საუკეთესო მწვრთნელად - კობა ჟორჟიკაშვილი", - გვითხრა ფედერაციის გენერალურმა მდივანმა გოჩა თამაზაშვილმა.
თბილისის ფედერაციის ერთ-ერთი თავკაცი მნიშვნელოვან სიახლეს გვიმხელს:"თბილისის ფედერაციამ გადაწყვიტა, რომ
ვფიქრობ, გადასახადების გაუქმება ზაფხულიდან რეალური გახდება. ჩვენს პროექტს ფეხბურთის ფედერაციის პრეზიდენტს ყრილობის შემდეგ შევთავაზებთ და მედიასაც გავაცნობთ. იკითხავთ, ამას რა სახსრებით ვაპირებთ - თბილისის ფეხბურთის ფედერაციაში წლის განმავლობაში შემოსული თითოეული თეთრი დავითვალეთ, ყველაფერი ავწონ-დავწონეთ და ჩავთვალეთ, რომ ფედერაციის შემოსავლების უფრო ეფექტური გადანაწილებით გადასახადების გაუქმება რეალურია. ამას გარდა, ფეხბურთის ფედერაციასთან ერთობლივი პროექტის მიხედვით, ელიტ-ლიგის მსაჯებზეც გავრცელდება საერთო დაფინანსება და ესეც გარკვეულ თანხებს გამოათავისუფლებს."
გოჩა თამაზაშვილმა თბილისის ფედერაციის ქველმოქმედებაზეც გვიამბო:"ჩვენი ფედერაციის წარმომადგენლები ყოველი წლის ბოლოს ძეგვის მიუსაფარ ბავშვთა სახლს ვსტუმრობთ. ბავშვებს დღესაც ვესტუმრეთ და ახალი წელი წინასწარ შაქრით, ფქვილითა და საახალწლო ნუგბარით მივულოცეთ."
.
