biletebi.ge-ს გენერალურმა დირექტორმა გიორგი ჩხიკვიშვილმა საიტზე დაპაუზების მიზეზი ახსნა.შეგახსენებთ, რომ უეფას სუპერთასზე დასასწრები ბილეთების გაყიდვა დილის 9 საათიდან დაიწყო.
იმისთვის, რომ მატჩზე დასასწრები ბილეთი იყიდო, biletebi.ge-ზე რიგი უნდა დაიკავო.
მიუხედავად იმისა, რომ საიტის ხელმძღვანელობისგან იყო დაპირება, ტექნიკური პრობლემები არ იარსებებდა, სოციალურ ქსელში მომხმარებლები აღშფოთებას ვერ მალავენ და ამბობენ, რომ ბილეთების ყიდვას ვერ ახერხებენ.
Sportall.ge biletebi.ge-ს გენერალურ დირექტორს, გიორგი ჩხიკვიშვილს დაუკავშირდა, რომელმაც განაცხადა, რომ საიტზე დაპაუზება რიგის განელების გამო მოხდა, ვინაიდან იმ მოცემული მომენტისთვის
"რიგი დაპაუზებული იყო ზუსტად ათი წუთის განმავლობაში, რიგში იყო 60 ათას ადამიანზე მეტი. ბილეთები იყიდება ჩვეულებრივ, ელემენტარულად, ძალიან დიდი რიგია და ძალიან დიდხანს უწევს ხალხს ლოდინი. დაპაუზება იყო რიგის გასანელებლად", - თქვა ჩხიკვიშვილმა.
ჩხიკვიშვილის განმარტებით, ვინც რიგში პირველი იქნება, მას შეეძლება ბილეთების ყიდვა, დანარჩენს კი ლოდინი მოუწევს. მნიშვნელობა არ აქვს, ერთი კომპიუტერიდან რამდენი "ბრაუზერი" გაიხსნება. ერთი პირადობით მხოლოდ ოთხი ბილეთის ყიდვა იქნება შესაძლებელი
"ნებისმიერი სისტემიდან, როგორც არ უნდა შეხვიდეთ, მაინც ჩაგაყენებთ რიგში. რეგისტრაციისას უნდა მიუთითოთ პირადი ნომერი და ისე შეიძენთ ბილეთს", - აღნიშნა ჩხიკვიშვილმა.
აქვე გთავაზობთ biletebi.ge-ს რეკომენდაციებს, რომლებიც კომპანიამ საკუთარ "ფეისბუქზე" დაწერა:
