უეფას სუპერთასის ბილეთების გაყიდვის კონკრეტული დრო კვლავ უცნობია. როგორც "ინტერპრესნიუსს" საქართველოს ფეხბურთის ფედერაციაში განუცხადეს, მიმდინარეობს მოსამზადებელი სამუშაოები, რაც გულისხმობს უსაფრთხოების გეგმის შემუშავებას და სალაროების სათანადო დონეზე ტექნიკურად აღჭურვას, biletebi.ge-ს მონაცემთა ბაზის მოწესრიგებას და ბილეთების დახარისხებას.
ფედერაციაში განმარტავენ, რომ სამუშაოების დასრულების შემდეგ ბილეთების გაყიდვა დაიწყება.
როგორც გასულ კვირაში ფედერაციაში აცხადებდნენ, გაყიდვა, სავარაუდოდ, მიმდინარე კვირაში დაიწყება.
უეფას სუპერთასის ბილეთები biletebi.ge-ს უნდა გაეყიდა, თუმცა ტექნიკური პრობლემების გამო საიტმა დაკისრებულ მოვალეობას თავი ვერ გაართვა. ამის შემდეგ გადაწყდა, რომ ბილეთები სალაროებში გაიყიდება.
Sportall.ge-ს ინფორმაციით, ბილეთები
უეფას სუპერთასზე, რომელიც 11 აგვისტოს "დინამო არენაზე" გაიმართება, ერთმანეთს ჩემპიონთა ლიგის გამარჯვებული "ბარსელონა" და ევროპის ლიგის გამარჯვებული "სევილია" დაუპირისპირდებიან.
