ევროპალიგის I საკვალიფიკაციო ეტაპზე თბილისის "დინამო" სტუმრად 0:2 დამარცხდა "გაბალასთან" და გათამაშებას გამოეთიშა.მატჩის შემდეგ apasport.az-ს ინტერვიუ გამოცდილმა დინამოელმა ალექსანდრე იაშვილმა მისცა.
- ისეთი შთაბეჭდილება რჩება, "დინამო" ფრეზე თამაშობდა...
- ასე არ ვიტყოდი. ჩვენი უმთავრესი ამოცანა იყო - გოლი არ გაგვეშვა. მაგრამ მატჩის მიწურულს მეტოქის ზეწოლას უკვე ვეღარ გავუძელით. ძალიან გულდაწყვეტილი ვარ, სიტყვები არ მყოფნის.
- ასეთი დაბოლოება ვერ წარმოგედგინათ?
- წასაგებად არ ჩამოვსულვართ. "დინამოს" მიზანი ამ ეტაპის გადალახვა იყო. გოლის გაშვების მერე
- შეიძლება ითქვას, რომ "დინამოს" ფეხბურთელის გაძევებამ გადაწყვიტა მატჩის ბედი?
- დიახ, სწორედ ამის შემდეგ შეიცვალა ვითარება. სტუმრად უმცირესობაში თამაში ძალიან ძნელია. თამაშს ისედაც მეტოქე აკონტროლებდა, ზეწოლა კიდევ უფრო გაძლიერდა.
- ძალიან იმედგაცრუებული ჩანხართ...
- დიახ, ახლახან წავაგეთ და ვერ გავედით შემდეგ ეტაპზე.
- რატომ არ ჩაამთავრეთ მატჩი ბოლომდე?
- ასე გადაწყვიტა მთავარმა მწვრთნელმა. ეს მისი გადაწყვეტილება და საქმეა.
- "გაბალას" თამაშზე რას იტყვით?
- უფრო ჩემი გუნდის თამაშზე ვფიქრობდი. ვიცოდით, რომ "გაბალა" მოსაგებად ითამაშებდა. ზოგიერთ ფეხბურთელს ვიცნობდი, რადგან ადრე "ინტერში" ვთამაშობდი და მათ წინააღმდეგ თამაში მომიწია. სამწუხაროა, რომ ფინალურ სასტვენამდე ჩვენთვის სასარგებლო ანგარიში ვერ შევინარჩუნეთ.
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
