1-ელ დეკემბერს საქართველოს ფეხბურთის ფედერაციის აღმასკომის სხდომა გაიმართა. დღის წესრიგშიც 4 საკითხი იყო: 1. ლანჩხუთის "გურიისა" და მისი ყოფილი ფეხბურთელების დავა; 2. ფუტსალის ასოციაციაში მიმდინარე პროცესები; 3. შპს "საფეხბურთო დავების განმხილველი ტრიბუნალის" საკითხი; 4. სხვადასხვა...
სხდომას არ ესწრებოდა კომიტეტის სამი წევრი - რომან ფიფია, ბესიკ ჩიხრაძე და ნინო სორდია.
აღმასკომის შემდეგ ფეხბურთის ფედერაციის პრეზიდენტმა ლევან კობიაშვილმა პრესკონფერენცია გამართა:
"აღმასკომის სხდომაზე განვიხილეთ მიმდინარე თემები. პირველი საკითხი ლანჩხუთის "გურიასა" და მის ყოფილ მწვრთნელებს შორის დავას ეხებოდა. აღმასკომის წინა სხდომაზე მიღებული გადაწყვეტილების შესაბამისად,
სფფ-ის პრეზიდენტი ფოთის"კოლხეთში" არსებულ ვითარებასაც შეეხო, სადაც ფეხბურთელები ხელფასების დაგვიანების გამო შემდეგ ტურში "ზუგდიდთან" თამაშზე უარს აცხადებენ. კობიაშვილი კლუბის ხელმძღვანელებთან შეხვედრასა და არსებული პრობლემების გაცნობას აპირებს, გადაწყვეტილებასაც ამის შემდეგ მიიღებს.
სხდომაზე მეორე საკითხად ფუტსალის ასოციაციასა და ეროვნულ ჩემპიონატში არსებული პრობლემები განიხილეს (რაზეც ცალკე წერილში მოგახსენებთ). ამას გარდა, პრესკონფერენციაზე კობიაშვილმა საფეხბურთო დავების განმხილველი ტრიბუნალის შესახებაც ილაპარაკა.
მისი თქმით, ტრიბუნალის თავმჯდომარე ზურაბ ბიწაძე სფფ-ის ძველმა თავკაცებმა თანამდებობიდან იმიტომ გაათავისუფლეს, რომ მათთვის მისაღებ ორ დელეგატს, გურიისა და რაჭა-ლეჩხუმ-ქვემო სვანეთის წარმომადგენელს, პროცედურული ნორმების დარღვევისთვის, ხმის უფლება ჩამოართვა, მის ნაცვლად კი დავით მაისურაძე დანიშნეს.
გუშინდელ აღმასკომზე ბიწაძეს სტატუსი აღუდგინეს:
"აღმასკომის წევრთა საერთო აზრით, სფფ-ის წინა ხელმძღვანელობამ ბიწაძე თანამდებობიდან უსამართლოდ გაათავისუფლა. ამიტომ ჩვენ ის პოსტზე დავაბრუნეთ", - თქვა კობიაშვილმა.
მან მედიის წარმომადგენელთა შეკითხვებს გარიგებული მატჩების თემაზეც უპასუხა და ამ მიმართულებით მუშაობა სფფ-ის ერთ-ერთ მთავარ პრიორიტეტად დაასახელა:
"რამდენიმე დღის წინათ ფედერაციას მატჩის შესაძლო გარიგებაზე ინფორმაცია ცხინვალის "ლიახვის" ერთ-ერთმა ფეხბურთელმა მიაწოდა. საქართველოში არ ვიყავი, მაგრამ ეს ამბავი მაცნობეს. მეორე დღეს ჩამოვფრინდი და ხობში გავემგზავრე, სადაც ვითარებას გავეცანი და მივიღე გადაწყვეტილება "კოლხეთი"-"ლიახვის" მატჩის გადადებაზე.
ჩვენ ვმუშაობთ ფეხბურთში კერძო ინვესტორთა მოზიდვაზე, სტადიონზე მაყურებლის დაბრუნებაზე და ამ დროს ასეთი ფაქტები ხდება. ვინც ამ ხერხებით ცდილობს ფეხბურთში თავის დამკვიდრებას, ჩვენს მუშაობას წყალს ატანს. თვალს არავის გამო არ დავხუჭავთ და ყველა ასეთი ქმედება უმკაცრესად დაისჯება.
გარიგებულ მატჩებს ყველა რესურსით შევებრძოლებით. სფფ-ში ამ საკითხებზე სპორტული სამართლიანობის სამსახური იმუშავებს, საგამოძიებო უწყებებთან ვითანამშრომლებთ და ვფიქრობ, გარიგებული მატჩების წინააღმდეგ ერთობლივი ძალებით ბრძოლა შედეგიანი იქნება".
ამ თემაზე ფეხბურთის ფედერაციის პირველმა ვიცე-პრეზიდენტმა კახა ჭუმბურიძემაც ილაპარაკა:
"გარიგებულ მატჩებში მონაწილეთა დასასჯელად ფედერაციას საკმარისი რესურსი და ბერკეტი გააჩნია. ამ კუთხით, უეფასთან და საგამოძიებო უწყებებთან აქტიურად ვთანამშრომლობთ. ვისაც გარიგებულ მატჩში მონაწილეობა დაუმტკიცდება, დაუსჯელი არ უნდა დარჩეს, რადგან ისინი ფეხბურთს უდიდეს ზიანს აყენებენ".
ჭუმბურიძემ სხვა თემებზეც ილაპარაკა:
"ვმუშაობთ ეროვნული და ასაკობრივი ნაკრებებისა და მწვრთნელთა ლიცენზირებისა და ბავშვთა ფეხბურთის მიმართულებებით. 25 დეკემბერს გამოქვეყნდება საბოლოო პროექტი, რასაც ფეხბურთის ფედერაცია მომავალ წელს განახორციელებს. ეროვნული და ასაკობრივი ნაკრებების მიერ ნაჩვენები შედეგებით კმაყოფილები არ ვართ. ამას ობიექტური მიზეზებიც აქვს და სუბიექტურიც. ნაკრებებში ცვლილებების შესახებ მიმდინარე წლის ბოლომდე ჩამოვყალიბდებით".
ბოლოს კობიაშვილმა 2016 წელს ფეხბურთის ფედერაციის დაფინანსებაზეც ილაპარაკა:
"სახელმწიფოსთან მოლაპარაკებებს ვაწარმოებთ და გვაქვს პროექტი, რომლის განსახორციელებლად სახელმწიფოს თანამონაწილეობა გვჭირდება. მაგრამ, როგორც ვიცი, ამ ეტაპზე ფეხბურთის ფედერაციისთვის დაფინანსების გაზრდა არ იგეგმება, შესაბამისად, 2016 წლის ბიუჯეტი 2015 წლის ოდენობის იქნება".
ასეთი დამოკიდებულება ჩვენთვის მიუღებელია!..
ფუტსალის ასოციაციას ფეხბურთის ფედერაციის წევრის სტატუსი შეუჩერდა
გუშინ ფეხბურთის ფედერაციის აღმასკომის სხდომაზე მეორე საკითხად ფუტსალის ასოციაციასა და ეროვნულ ჩემპიონატში არსებული პრობლემები გამოიტანეს. გადაწყვეტილებაა სფფ-ის პრეზიდენტმა ლევან კობიაშვილმა გაახმოვანა:ფუტსალის ასოციაციას ფეხბურთის ფედერაციის წევრის სტატუსი შეუჩერდა
"ფუტსალის ასოციაციის ხელმძღვანელებს 1-ელ დეკემბრამდე მიეცათ ვადა, რომ წარმოედგინათ გეგმა, როგორ აპირებდნენ ჩემპიონატის ჩატარებას, მაგრამ ასოციაციიდან ჩემთვის გაუგებარი შინაარსის წერილი მივიღეთ, რომელსაც არც ერთი პასუხისმგებელი პირი ხელს არ აწერს.
მოგვწერეს, რომ ჩემპიონატს ჩვეულებრივ რიტმში გააგრძელებენ. ჩემპიონატი ფედერაციის პრეზიდენტის არჩევნების წინა დღეს, 2 ოქტომბერს დაიწყო და მხოლოდ რამდენიმე მატჩი ჩატარდა.
ტურნირი ამჟამად შეჩერებულია, მხოლოდ 5 გუნდი თამაშობს და რამდენიმეს საწევროც არ აქვს გადახდილი... მოკლედ, აბსოლუტური ქაოსია. ამდენად, გაუგებარია, რას ნიშნავს ჩემპიონატის "ჩვეულებრივ რიტმში" ჩატარება? ასეთი დამოკიდებულება ჩვენთვის მიუღებელია.
გარდა ამისა, ასოციაციაში გადაწყვიტეს, რომ 5 დეკემბერს მოიწვიონ ყრილობა და აირჩიონ პრეზიდენტი. დაველოდოთ არჩევნებს... აუცილებელია, წარადგინონ სამომავლო გეგმა, ჩვენ კი მზად ვართ, დავეხმაროთ. ამ ეტაპზე კი აღმასკომმა გადაწყვიტა, რომ ფუტსალის ასოციაციას სფფ-ის წევრობა დროებით შეუჩერდეს".
ცნობილი გახდა, რომ ფუტსალის ასოციაციის გამგეობის წევრების მიერ 5 დეკემბრისთვის დანიშნულ არჩევნებზე ორგანიზაციის მოქმედი პრეზიდენტი ზვიად ხაჩიაშვილი პოსტიდან გადადგება და ახალი პრეზიდენტის ასარჩევად მოიწვევენ ყრილობას, სავარაუდოდ - 18 ან 19 დეკემბრისთვის.
როგორც გავიგეთ, კანდიდატურების წამოყენებას აპირებენ წარმატებული პროექტის, ბიზნესლიგის დამფუძნებელი და სპორტული სააგენტო SBM-ის დირექტორი ზაალ ჩიტალაძე, ასევე, ასოციაციის ყოფილი ვიცე-პრეზიდენტი აკა ქავთარაძე და ეროვნული ნაკრებისა და თბილისის"დინამოს" ყოფილი მცველი ოთარ ხიზანეიშვილი.
მაგრამ აღმოჩნდა, რომ ჩიტალაძე მისი კანდიდატურის დაყენებას გამორიცხავს. ამას გარდა, ქავთარაძემ რამდენიმე დღის წინათ,"ლელოსთან" ინტერვიუში, ასევე უარი თქვა პრეზიდენტობაზე და გუშინ ეს კიდევ ერთხელ დაგვიდასტურა.
ხიზანეიშვილი კი ლაკონიური კომენტარით შემოიფარგლა - ჯერ მსგავსი გადაწყვეტილება არ მიმიღიაო...
ცხადია, ფუტსალის ასოციაციის პრეზიდენტის პოსტი ვაკანტური დიდხანს ვერ იქნება და ვნახოთ, ვის აირჩევენ - ესეც მალე გვეცოდინება...
(იბეჭდება მცირე ცვლილებით)
ყოველდღიური სპორტული გაზეთი "ლელო"
აკა ქავთარაძე წლები იყო ვიცე-პრეზიდენტი, იღებდა ხელფასს, დადიოდა "პაეზდკებში" როგორც თვითონ ეძახიან. პარალელურად არაფერს არ აკეთებდა, არ ინტერესდებოდა ჩემპიონატით, ნაკრების პრობლემებით და იყო ჩართული იმ ქაოსში, რომელიც მიმდინარეობდა ფუტსალში. ანუ ეს არის ერთ-ერთი, რომელმაც აქამდე მიიყვანა ქართული ფუტსალი.
რაც შეეხება ხიზანეიშვილს, სერიოზულად მისი კანდიდატურის განხილვა არ შეიძლება მისი ადამიანური და საქმიანი რეპუტაციის გამო. არც გამოცდილება აქვს სადმე მუშაობის, მაგრამ უდიდესი გამოცდილება გააჩნია აზარტული თამაშების და მისგან დიდი ზიანის მიღების.
ამიტომ ლევან უნდა ეძებოთ ახალგაზრდა, ახალი, სუფთა, პროფესიონალი მენეჯერები.