ფიფამ ოფიციალურად აღიარა მსოფლიოს 1998 და 2010 წლების ჩემპიონატების მასპინძელთა გამოსავლენ არჩევნებზე ხმების მოსყიდვის ფაქტები. შეგახსენებთ, რომ 1998 წელს მუნდიალი საფრანგეთში ჩატარდა, 2010-ში კი - სამხრეთ აფრიკაში.დღეს, 16 მარტს, გამოქვეყნდა 21-გვერდიანი დოკუმენტი, რომელიც აშშ-ის ხელისუფლებისთვისაა მომზადებული. ეს უკანასკნელი მსოფლიო ფეხბურთის მმართველ ორგანიზაციაში არსებულ კორუფციაზე გამოძიებას ატარებს.
ფიფა იმედოვნებს, რომ აინაზღაურებს კორუფციულ საქმეში გარეული ფედერაციის 41 წევრისა და ჩინოვნიკისგან მითვისებულ ფულად სახსრებს, რომელსაც ორგანიზაცია ათეულობით მილიონ დოლარად აფასებს.
