09:39 26-08-2016
პაოკ-ი-დინამო (თბ) 2:0 - სად მარხია ძაღლის თავი? [VIDEO]
AutoSharing Option
"დინამოს" ამ შეხვედრაში დააკლდნენ გუნდიდან წასული მარტინიკელი მატიას კურიე და საქართველოს ნაკრების ნახევარმცველი ჯაბა ჯიღაური.
რა თქმა უნდა, ეს საწყენია, მაგრამ მეტ-ნაკლებად მაინც - გასაგები. "დინამოში" ბევრი რამ გაკეთდა არასწორად და შედეგიც შესაბამისია.
ახლა ჯერი რომან ფიფიაზეა - დიდი ალბათობით, ის რადიკალურ ცვლილებებს არ მოერიდება და სწორედაც რომ ცვლილებების დროა, ოღონდ - ზუსტად გააზრებული ცვლილებების, თორემ მსგავსი რევოლუცია აქამდეც ბევრი გვინახავს და ამ რევოლუციებს, სამწუხაროდ, "დინამოს" გაბრწყინება არ მოჰყოლია. ვფიქრობთ, იურაი იარაბეკმა "დინამოს" მთავარი მწვრთნელის პოსტზე ბოლო შეხვედრა ჩაატარა.
- თბილისის "დინამოს" იურაი იარაბეკის ნაცვლად ქართველი სპეციალისტი გაწვრთნის
გაუგებარია, რატომ თქვა იარაბეკმა წინასამატჩო პრესკონფერენციაზე, რომ მისი გუნდი სალონიკიში 3 გოლის გასატანად ჩავიდა. მაქსიმალიზმი კარგია, მაგრამ იარაბეკმა აშკარად გადაამლაშა - თუ სამის გატანა უნდოდა, "დინამო არენა" აგერ არ იყო?! ფაქტია, მწვრთნელი უნდა ერიდოს ასეთ არასერიოზულ განცხადებებს...
...თამაში ქართველთათვის ძალიან ცუდად დაიწყო. უკვე მე-5 წუთზე კაპევერდელმა გაი როდრიგესმა, ვისაც საფრანგეთის ჩემპიონატის უმაღლეს ლიგაში ასპარეზობის დიდი გამოცდილება აქვს, ქართველთა კარი აიღო. აფრიკელს ასისტენტობა პერეირამ გაუწია.
ამის შემდეგ საქართველოს ჩემპიონმა თამაშის გამოცოცხლება სცადა, თუმცა გიორგი პაპუნაშვილმა ბერძენთა კარს ააცილა. თამაში გათანაბრდა. ჩანდა, რომ პაოკ-მა შეასრულა ამოცანა, გაიტანა რა სწრაფი გოლი.
ეს იყო და, მასპინძელთა ანგოლელ ლეგიონერ ჯალმას შეექმნა შესანიშნავი შანსი, რომელიც ვერ გამოიყენა. 26-ე წუთზე უკვე ბერძენთა უკრაინელი ლეგიონერი, შახოვი აღმოჩნდა ხელსაყრელ სიტუაციაში, თუმცა მის დარტყმულს სიზუსტე დააკლდა.
27-ე წუთზე "დინამომ" ტაიმში ყველაზე მწვავე მომენტი შექმნა. გოლის გატანასთან ახლოს იყო საქართველოს ნაკრების ფორვარდი ლადო დვალიშვილი, მაგრამ ამ ეპიზოდში შესანიშნავად გაისარჯა ბერძენთა კარის დარაჯი.
35-ე წუთზე პაოკ-ის კარის მიმართულებით სახიფათოდ უტყამდა გიორგი პაპუნაშვილი - ბურთი ასცდა გლიკოსის კარს. 44-ე წუთზე რენე ფერეირამ საჯარიმოში როდრიგესი წააქცია. ჯალმას მიერ დარტყმული 11-მეტრიანი ანტონი სკრიბემ მოიგერია.
45-ე წუთზე პერეირამ მეორე საგოლე გადაცემა მიითვალა. ამჯერად, მან საბერძნეთის ნაკრების ფეხბურთელ ცაველასს გაატანინა. ეს იყო და ტაიმიც მორჩა.
მეორე ტაიმში პირველი სახიფათო მომენტი ისევ ბერძნებისა იყო. უზომოდ აქტიური პერეირას მიერ დარტყმული ბურთი სცრიბემ მოიგერია.
67-ე წუთზე ვახტანგ ჭანტურიშვილს სახიფათოდ დარტყმული აუცდა. ეს იყო და, მიკელ ალვაროს ბერძენთა მეკარე გლიკოსმა არ გაატანინა.
თამაშის ბოლოს კიდევ ერთხელ გადავრჩით. ამჯერად შეცვლაზე შესულმა ვარელამ დაგვინდო. იქვე თამაშიც დასრულდა.
მას ასე, ჩვენთვის ევროთასები დასრულებულია. ახლა ჯერი "დინამოს" ხელმძღვანელობაზეა. სწორი პოლიტიკით გუნდი სწორად უნდა მოემზადოს ევროთასებისთვის და გამოირიცხოს ის შეცდომები, რომლებიც მრავლად დაუშვეს კლუბში. ახლა მთავარია, რას იტყვის კლუბის პრეზიდენტი.
რომან ფიფიას უახლოეს დღეებში მნიშვნელოვანი გადაწყვეტილების მიღება მოუწევს. იმედია, მან იცის, სად არის დამარხული ძაღლის თავი...
ევროპალიგა. პლეი ოფი. საპასუხო მატჩი
25.08. სალონიკი. ტუმბა
პაოკ-ი-დინამო (თბ) 2:0
პირველი მატჩი 3:0
გოლები: 1:0 როდრიგესი (5), ცაველასი (45)
პაოკ-ი: გლიკოსი, მატოსი, ლეოვაცი (65. კიცუ), ჯალმა, პერეირა, კრესპო (76. ვარელა), ციმიროტი, როდრიგესი, შახოვი (57. ბისესვარი), ცაველასი, კანიასი.
სათადარიგოები: ბრკიჩი, ჩარიზისი, კულურისი, მისტაკოსი
მწვრთნელი: ვლადიმირ ივიჩი
დინამო: სკრიბე, ლობჟანიძე, რენე ფერეირა, ამისულაშვილი, შპიჩიჩი, ცინცაძე (74. ველევი), პარუნაშვილი, მიკელ ალვარო, კიტეიშვილი (62. ჭანტურიშვილი), პაპუნაშვილი, დვალიშვილი (77. მიქელთაძე).
სათადარიგოები: ლომაია, კირკიტაძე, ჭელიძე, თევზაძე
მწვრთნელი: იურაი იარაბეკი
გაფრთხილება: მიკელ ალვარო (39), დვალიშვილი (62), პარუნაშვილი (63)
არბიტრი: გ. ლეხნერი (ავსტრია).
(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 25 /
თარიღის მიხედვით
მოწონებების მიხედვით
ნახეთ აზერბაიჯანული კლუბების შედეგები და იქნებ ძაღლის თავსაც მიაგნოთ...
0
0
ჩემო კარგო აუცილებლად უნდა გაკეთდეს ისე,რომ ჩვენი ჩემპიონატი უნდა მიებას,ან უკრაინის,ან თურქეთის ან სულაც კავკასიის ჩეპიონატი ჩატარდეს და მასში საქართველოდან 5-6 კლუბი უნდა მონაწილეობდეს,ეს აუცილებელია,ამის გარეშე წარმოუდგენელია ჩვენი წინსვლა,ამაზე უნდა მუშაობდეს ფედერაცია,მაგრამ მათ სად ცალიათ ამისთვის,წინ არჩევნებია,წარმოდგიდგენიათ ფეხბურთის ფედერაცია და ქვენის საპარლამენტო არჩევნები,ხალხო გამოიღვიძეთ,რა ხდება საერთოდ ვინმეს შეუძლია აგვიხსნას,ასეთი პოლიტიზირებულობა გაგიგიათ ხალხო,ასეთი რამ ალბად მსოფლიოში არსად არ მომხდარა.
0
0
კობიაშვილმა ვითომ შეამცირა გუნდების რაოდენობა უმაღლეს ლიგაში, რას შველის,შესაკრებთა ადგილების შეცვლით ჯამი არ იცვლებაო თურმე
0
0
ვის რაში აინტერესებს ეს ფაქტების მშრალი აღწერა ვინ რომელ წუთზე დაარტყა შესანიშნავად და როგორ ააცილა - ? სპეციალისტი არ ყავთ რო თამაში გაარჩიოს წესიერად ?
0
0
სამარცხვინოა.აზერების2 გუნდი გავიდა.აქ პულის კეთება უნდათ ზემოდან დაც ლი.ქვევითდამთ ლი.პროპეს ბი.არსად არ უნდათ.ბიურო ტიაა კველგან ნებისმიერ პარტიებშიც ასეა სიკვდილამდე კოლმეურნეობის თავჯ .ად.რჩებიან.ტელევიზი.ც ასეა.უტვინოთა პარადია.აზერების 2გ.დი.გავიდა.
0
0
ფიფია როდის წახვალ?
0
0
საცოდაობაა დინამოს მიერ შექმნილი მომენტების ყურება,ბერძენთა მეკარეს მთელი თამაშის განმავლობაში ბურთი არ მოუგერიებია. ასე რამ დაგვაჩაჩანაკა???
0
0
რევიშვილი ისევ თავისუფალი აგენტია მგონი ჯობია პირველი სწორი ნაბიჯი გადადგას ფიფიამ!!!
0
0
ჩვენს ჩემპიონატს სხვა ქვეყნის ჩემპიონატს ვინ მიაბავს ესენი ამდენს ვერ გაქაჩავენ, თორემ რა ჯობია თუნდაც ერთი გუნდი მაგალითად უკრაინის პირველობაზე რომ იყოს ჩართული რამდენს მოუმატებდნენ ჩვენი ახალგაზრდები ნაკრებსაც ეშველებოდა,
0
0
მაადეც ფიფია,შაამაყო კაცი ხარ და დიდი პატრიოტი,რა გაახარე ქართველი გულშემატკივარი,დაუბრუნე ხომ დინამოს ძველი დიდება,ყოჩაღ,ყოჩაღ.დიდად ვწუხვარ ყველაფერ ამაზე ჩემო ქართველებო,მაგრამ ისევ არასწორ კომენტარებს წერთ,ისევ არასწორად მსჯელობთ მე კი გიმეორებთ,რომ სანამ ქართული ჩემპიონატი სხვა ქვეყნის ჩემპიონატს არ მიებმება სულ ამ დღეში ვიქნებით,დღეს ამაზე უნდა მუშაობდეს ფედერაცია,ეს საკითხია მოსაგვარებელი,სამწუხაროდ კობის ამისთვის ჭკუა არ ეყოფა,ის ფულის საშოვნელადაა მოსული,ის ხალხი,ვინც ნაცების დროს ყვიროდნენ,კივოდნენ და ამბობდნენ ეს რა უსამართლობები ხდება ქართულ ფეხბურთშიო,ახლა დუმილის რეჟიმში არიან,თითქოს ყველაფერი გამსწორდა,არა ბატონებო დღეს უფრო რთული ვითარებაა,ვიდრე წარსულში იყო,ხოლო ყველაფრის მცოდნე და ყველაზე სამართლიან ყაველაშვილს და მისნაირებს ეს ყველაფერი არ ადარდებთ,მოჯდენ თანამდებობებზე და არიან არხეინათ,აი ეს ხალხია ქართული ფეღბურთის უბედურება დღეს,აი ამ ხალხმა შეიყვანა ქართული საზოგადოება შეცდომაში,სინამდვილეში მათ არავითარი გეგმა,არავითარი იდეა და რეცეპტი არ ქონიათ ფეხბურთის კრიზისიდან გამოსაყვანად,მათ მხოლოდ ფულები აინტერებდათ და აინტერესებს,დრო კი მიდის და არაფერი არ გამოდის,იმედი მაქვს არჩევნების მერე ქართულ ოცნებას სახლში გაუშვებენ,ნაწილს ციხეში და მერე ალბად გამოსწორდება ჩვენი საქმე,ყოველ შემთხვევაში მე ამის იმედი მაქვს.
0
0
< წინა123შემდეგი >
თარიღის მიხედვით
მოწონებების მიხედვით
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
![](/images/new_photo/rss/palitra_logo.png)
უძრავი ქონება
![უძრავი ქონება](/images/new_photo/rss/116_38.jpg)
![](/images/new_photo/rss/rss_hotsale_logo.png)
სიახლეები
პოპულარული