დღეს, 8 ნოემბერს, fronti2014.com-მა გაავრცელა ინფორმაცია, რომლის თანახმად დიღომში, ზედ თბილისის "დინამოს" ბაზაზე, დაიწყო 16-სართულიანი კორპუსის მშენებლობა. ეს იმას ნიშნავს, რომ პირდაპირ "დინამოს" ბაზის სავარჯიშო მოედნებზე, წამოიჭიმება 16-სართულიანი კორპუსი. ამის გამო, "დინამოს" ბაზის მინდვრები სავარჯიშოდ გამოუსადეგარი გახდება და ფეხბურთელებისთვის ბაზა აღარ იარსებებს.
წყაროს ცნობითვე, ინვესტორები ჩეხები არიან და თბილისის "დინამოს" მათთან მოლაპარაკებებიც წარუმართავს ტერიტორიის შესყიდვაზე, თუმცა... უშედეგოდ.
როგორც Sportall.ge-მ შეიტყო, ეს ტერიტორია ეკონომიკის სამინისტროს ბალანსზე იყო და ჩეხ ინვესტორებზე გაიყიდა. აქვე გთავაზობთ რამდენიმე ფოტოს.
![ეროვნული ლიგა. XXVI ტური. "დინამო" (თბ) - "კოლხეთი" [LIVE]](/pictures/image7/8c0038a64a31c47eaded7f4d32d07bd9.jpg "ეროვნული ლიგა. XXVI ტური. \"დინამო\" (თბ) - \"კოლხეთი\" [LIVE]")
![ეროვნული ლიგა. XXV ტური. "დინამო" (ბთ) - "დინამო" (თბ) [LIVE]](/pictures/image7/bd5ba3185ceb90bb2f4b5973aacadafc.jpg "ეროვნული ლიგა. XXV ტური. \"დინამო\" (ბთ) - \"დინამო\" (თბ) [LIVE]")
