26 მაისს დავით ყიფიანის სახელობის საქართველოს ეროვნული თასის გათამაშების ფინალური მატჩი გაიმართა, რომელშიც ქვეყნის ჩემპიონი "ზესტაფონი" გორის "დილას" დაუპირისპირდა. მიხეილ მესხის სახელობის სტადიონზე გამართულ შეხვედრაში ანგარიში გიორგი ჭიაბრიშვილის შეგირდებმა აფციაურის გოლით მე-13 წუთზე გახსნეს. გორელებმა წონასწორობის აღდგენა პირველივე ტაიმში შეძლეს, როდესაც მსაჯმა ბოლო იმედის ჯარიმისთვის მოედნიდან ზესტაფონელთა მცველი თეიმურაზ ღონღაძე გააძევა - თერთმეტმეტრიანი ხოჯავამ ზუსტად შეასრულა.
შეხვედრის მეორე ტაიმში რიცხობრივ უპირატესობაში მყოფმა "დილამ" კიდევ სამჯერ შეძლო საქართველოს ჩემპიონთა კარის დალაშქვრა. ჯერ ვაწაძემ იყოჩაღა 49-ე წუთზე, შემდეგ ილურიძემ სხვაობა ორ ბურთამდე
აღსანიშნავია, რომ ემოციურად დაძაბული შეხვედრის მიწურულს მსაჯმა მოედნიდან კიდევ ერთი ზესტაფონელი - ჯაბა დვალიც გააძევა.
ამრიგად, "დილამ" დამოუკიდებელი ქართული ფეხბურთის ისტორიაში საქართველოს თასი პირველად მოიგო. გორელთა გუნდი ევროპის ლიგის გათამაშებაში მეორე საკვალიფიკაციო ეტაპიდან ჩაერთვება.
26 მაისი. თბილისი. "მიხეილ მესხი". 7000 მაყურებელი.
დილა-ზესტაფონი 4:1 (1:1)
გოლები: 1:0 აფციაური, 1:1 ხოჯავა (30,პენ.), 2:1 ვაწაძე (50), 3:1 ილურიძე (66), 4:1 ინწკირველი (90+3)
დილა: სკენდერი, ბეჭვაია, თოთაძე, ინწკირველი, სალუქვაძე (კ), შოთა კაშია, არზიანი, ხოჯავა (ახალკაცი, 81), კახელიშვილი, სანდრო გურული (ილურიძე, 61), მათე ვაწაძე (ბარაბაძე, 88).
მთავარი მწვრთნელი: თემურ შალამბერიძე
ზესტაფონი: კვასხვაძე, ღონღაძე, საჯაია, კობახიძე (ოვონიკოკო, 68), ელიავა, გორგიაშვილი (შარიქაძე,60), მენთეშაშვილი, აფციაური, შოთა გრიგალაშვილი, მუჯირი (ონიანი, 46), დვალი.
მთავარი მწვრთნელი: გია ჭიაბრიშვილი
გაფრთხილება: დვალი (11), მუჯირი (19), აფციაური (84), დვალი (85), სკენდერი (90).
გაძევება: ღონღაძე (30), დვალი (85)
მთავარი მსაჯი: ლევან კვარაცხელია (ზუგდიდი)
