გერმანიის ნაკრების თავდამსხმელი მიროსლავ კლოზე სარდინიულ შეკრებაზე მყოფ ბუნდესგუნდს ტრავმირებული შეუერთდა. მირო პარასკევს "ლაციოს" ვარჯიშზე დაშავდა, რის გამოც იტალიის ჩემპიონატის ბოლო ტურში (3:1 ინტერთან) არ უასპარეზია. ჯერჯერობით უცნობია, რამდენად მძიმეა კლოზეს ტრავმა - გერმანიის ნაკრების სამედიცინო შტაბი მას ზუსტ დიაგნოზს დღეს-ხვალ დაუსვამს.შეგახსენებთ, რომ გერმანიის ნაკრები სარდინიულ შეკრებას შეთხელებული შემადგენლობით გადის, თუმცა 15 მაისს ბუნდესგუნდს დორტმუნდის "ბორუსიას" ფეხბურთელები, მატს ჰუმელსი, მარიო გიოტცე, მარსელ შმელცერი, სვენ ბენდერი და ილქაი გიუნდოგანი შეუერთდებიან, რაც იმას ნიშნავს, რომ გერმანიის ნაკრები შეკრებას 17 ფეხბურთელით გააგრძელებს.
"ბაიერნს" შაბათს ჩემპიონთა ლიგის ფინალი აქვს, "რეალს" კი ყატარში სავალდებულო ტესტ-მატჩი დარჩა ჩასატარებელი.
ყოველდღიური სპორტული გაზეთი "ლელო"
