31 მაისს ზუსტად 50 წელი შესრულდა მას შემდეგ, რაც ჩეხოსლოვაკიის ნაკრებმა 1962 წლის მუნდიალზე პირველი მატჩი ჩაატარა. შეგახსენებთ, რომ ის გუნდი მსოფლიოს ჩემპიონატის ფინალში გავიდა, სადაც ბრაზილიასთან 1:3 წააგო.
1 ივნისს ჩეხეთის ნაკრები უნგრეთთან ტესტ-მატჩს გამართავს, რომელსაც 1962 წლის მსოფლიოს 9 ვიცე-ჩემპიონი დაესწრება.
შეხვედრის შემდეგ ვეტერანები ჩეხეთის ნაკრების ფეხბურთელებს შეხვდებიან და ახალგაზრდა კოლეგებს ევროპის ჩემპიონატზე წარმატებებს უსურვებენ.
ეს ყველაფერი ძალიან კარგია. ცუდი კი ის არის, რომ ევრო 2012-ზე ჩეხების ლიდერისა და კაპიტნის, ტომაშ როსიცკის თამაში ჯერ კიდევ კითხვის ნიშნის ქვეშაა.
ყოველდღიური სპორტული გაზეთი "ლელო"
