"ბეტისთან" ფრედ დასრულებული მატჩის შემდეგ ეს შეგრძნება კიდევ უფრო გაძლიერდა - "ბარსელონას" ბევრი გულშემატკივარი და ამ გუნდის არაერთი ფეხბურთელი მიიჩნევს, რომ მადრიდის "რეალს" სერიოზული ლობისტები ჰყავს როგორც მსაჯებში, ისე ესპანური ფეხბურთის და ზოგადად, სპორტის სათავეებში.შეეფერება თუ არა ეს ხმები სინამდვილეს?
ჩვენი წერილი სწორედ ამის გარკვევის ცდაა. გასაგებია, რომ "რეალი" ესპანური ელიტის საყვარელი კლუბია, მაგრამ რეალურად, რა ხალხი დგას ესპანური ფეხბურთის და სპორტის სათავეში, საითაა მათი სიმპათიები?ხავიერ ტებასი
ტებასი პროფესიონალური საფეხბურთო ლიგის პრეზიდენტია. ეს ორგანიზაცია მართავს პრიმერა და ყოფილ სეგუნდა
"დავუშვათ, მე ვთქვი, რომ არ მაქვს არანაირი საკლუბო სიმპათია. შემდეგ კი გაირკვევა, რომ მე ბავშვობიდან "რეალის" გულშემატკივარი ვიყავი, ასევე ისიც, რომ ახალგაზრდობაში 27-ჯერ ვიყავი კლასიკოზე და ყოველთვის ბარში აღვნიშნავდი გამარჯვებას. მირჩევნია, რეალურად ვისაუბრო", - ამბობს ტებასი.
ეს სიტყვები ტებასმა 2015 წელს, ნოემბერში, გრანდიოზული სკანდალის ფონზე თქვა. მაშინ ერთმა ლაინსმენმა პოლიციაში საჩივარი დაწერა იმის თაობაზე, რომ "კლასიკოს" დროს მას აიძულებენ, "ბარსელონას" სასარგებლოდ არ მიიღოს გადაწყვეტილებები. ეს მსაჯი თავდაპირველად ეცადა, სამსაჯო კომიტეტში გაერკვია ეს ამბავი, მაგრამ მას დაურეკეს ესპანეთის ფეხბურთის ფედერაციიდან და უთხრეს, ჭკვიანად ყოფილიყო, თორემ ეს გამოხდომა აუცილებლად აისახებოდა მის სამსაჯო კარიერაზე.
მაშინ ის წავიდა პოლიციაში და პრესის საშუალებით ისაუბრა წნეხზე. მაშინ ტებასმა პირველად აღიარა ის, რაც აქამდეც ყველამ იცოდა და იქვე დასძინა, რომ მისი საკლუბო სიმპათიები არანაირად არ აისახებოდა მიღებულ გადაწყვეტილებებზე.
"ბეტისისა" და "ბარსელონას" სევილიური მატჩის შემდეგ ტებასი კრიტიკის ქარ-ცეცხლში აღმოჩნდა. მსაჯებმა არ ჩათვალეს გოლი, თუმცა ბურთმა მეტრით მაინც გადაკვეთა კარის ხაზი.
ტებასმა ამ დელიკატური სიტუაციის თაობაზე ასეთი კომენტარი გააკეთა: "არ ღირს ამ ამბის გაბერვა. ჩვენ ყველანი ვართ დაინტერესებულნი, რომ ჩვენი სამუშაო უფრო სრულყოფილი იყოს, რომ გავაუმჯობესოთ მსაჯობის დონე".
სხვათა შორის, ზაფხულზე ტებასმა გამორიცხა ვიდეოტექნიკის გამოყენება თამაშის მსვლელობისას და ამის არგუმენტად ტექნიკის მაღალი ფასი დაასახელა. ახლა კი მზადაა, ეს საკითხი განიხილოს.
მარტა სილვა
ესპანეთის სახელმწიფო პროკურორი (ამ თანამდებობაზე ქალი პირველად მუშაობს) "რეალის" იურიდიული კონსულტანტი იყო 2000-06 წლებში. ზოგიერთი ესპანური გაზეთი იმასაც წერს, რომ იგი დღემდე რჩება ფლორენტინო პერესის ბიზნესპარტნიორად.
აღსანიშნავია, რომ 2013 წელს, როცა პროკურატურამ საქმე აღძრა ლეო მესის წინააღმდეგ, თავდაპირველად ბრალდებული იყო მხოლოდ უფროსი მესი. პროკურატურამ საქმეს გადახედა და მასში კიდევ ერთი ბრალდებული გამოჩნდა - ლიონელ მესი. საქმე აქამდე არ დახურულა. ახალი დეტალები მას გასულ ზაფხულს შეემატა. მარტა სილვა პრესაში მხარს ღიად უჭერდა მესის დაპატიმრებას.
არგენტინულმა პრესამ საინტერესო დეტალი გამოარკვია. როდესაც გადასახადების დამალვის თაობაზე კრიშტიანო რონალდოს წინააღმდეგ ანალოგიური საქმე აღიძრა, ბრალდება შეეხო მხოლოდ და მხოლოდ ფეხბურთელის წარმომადგენელს და არა თავად კრიშტიანოს.
უფრო საინტერესოა ნეიმარის საქმე. როგორც "დარიომ" გამოარკვია, სახელმწიფოს ინტერესების დამცველად "ნეიმარის საქმეში" მავანი ედმუნდო ბალი უშუალოდ მარტა სილვასთან კონსულტაციის შემდეგ დანიშნეს.
მიგელ კარდენალი
ესპანეთის სპორტული საბჭოს ექსპრეზიდენტი. ამ თანამდებობაზე მუშაობდა 2016 წლის დეკემბრამდე. ესპანეთის ფეხბურთის ფედერაციის იურიდიული კომიტეტის სპიკერი და სპორტული იურისტი; ტებასის აქტიური თანამოაზრე; ერთ-ერთი მთავარი ორგანიზატორი აქციისა, რომელიც ძალადობის მიმართ მიმართ "ნულოვანი ტოლერანტობის" გამოცხადებას გულისხმობდა.
ხშირი შეხება აქვს ფლორენტინო პერესთან. ლიონელ მესის წინააღმდეგ არაერთხელ გამოვიდა. როცა "ბარსას" ფანებმა ინტერნეტის მეშვეობით ლიონელის მხარდასაჭერი კამპანია გააჩაღეს, მან თქვა, რომ ეს კლუბის მხრიდან შეცდომაა.
"ეს შეცდომაა კლუბის მხრიდან. ყველამ იცის, რომ ჩვენი სასამართლო სისტემა აბსოლუტურად სუფთა და დამოუკიდებელია", - განაცხადა მიგელ კარდენალმა.
მანუელ დიას ვეგა
სამსაჯო კომიტეტის ტექნიკური დირექტორია ესპანეთში. ყოფილი ფეხბუთელი, ყოფილი მსაჯი და ადამიანი, რომელიც თითქმის არ ჩნდება პრესის ფურცლებზე. მისი საკლუბო სიმპათიების თაობაზე მსჯელობა რთული იქნებოდა, რომ არა შორეული 1993 წელი.
მაშინ მან "ბარსელონასა" და "რეალის" შეხვედრა განსაჯა. მატჩი "რეალმა" მოიგო, დიას ვეგას დიდი კრიტიკა შეხვდა იოჰან კრუიფისაგან. მსოფლიო ფეხბურთის ლეგენდამ განაცხადა, რომ არბიტრი გადაწყვეტილებების მიღებისას არათანმიმდევრული იყო.
ძალიან სკანდალური იყო დიას ვეგას პასუხი. "ის უბრალოდ შარვალში იფსამს, როცა მის წინააღმდეგ "რეალი" თამაშობს". დიას ვეგას დირექტორის პოსტი სამსაჯო კომიტეტში 2001 წლიდან უჭირავს.
ხოსე იგნასიო ვერტი
ესპანეთის სპორტის მინისტრი იყო 2011-15 წლებში. აი, მისი სიტყვები: "მე ვინც მიცნობს, ისიც იცის, რომ ნამდვილი მადრიდისტა ვარ, ხულიგანი". ასე წარადგინა საკუთარი თავი ვერტმა თანამდებობაზე დანიშვნამდე ერთი თვით ადრე. თავის დროზე ერთ-ერთი მთავარი ორგანიზატორი იყო გამოკითხვისა, რომლის მიზანიც იყო, გამოერკვია, თუ რატომაა ესპანეთის პროვინციებში "ბარსელონა" "რეალზე" პოპულარული.
გამოკითხვის შედეგების კომენტარისას ვერტმა შემდეგი თქვა: "ჩვენ ვძულვართ იმ ნაკლოვანებების გამო, რომელიც თანმდევია ყველა კლუბისათვის. და მაინც, საზოგადოებაში სწორედ "რეალი" ასოცირდება ამ ნაკლოვანებებთან. ეს პრესის გამო ხდება".
საინტერესოა, რომ ესპანური სპორტის ამჟამინდელმა მმართველმა, ინიგო მენდეს დე ვიგომ განაცხადა, რომ კლუბებსა და ფეხბურთელებს შორის რჩეულები არ ჰყავს.
ყოველდღიური სპორტული გაზეთი "ლელო"
!["სოსიედადმა" "ბარსელონა" მინიმალური ანგარიშით დაამარცხა [VIDEO]](/pictures/image7/21f39a3326e959418e96b21ba3581eed.jpg "\"სოსიედადმა\" \"ბარსელონა\" მინიმალური ანგარიშით დაამარცხა [VIDEO]")
