"ბარსელონას" ნახევარმცველმა ანდრეს ინიესტამ "ბარსელონას" შესაძლო ახალ მთავარ მწვრთნელზე ისაუბრა.შეგახსენებთ, რომ ლუის ენრიკე გუნდს სეზონის დასრულების შემდეგ დატოვებს.
საუბრები მიდის მთავარ მწვრთნელად მისი ასისტენტის ხუან კარლოს უნსუეს დანიშვნის შესახებ.
"უნსუემ ნამდვილად ყველაფერი კარგად იცის. ის ჩვენთან აქამდეც იყო და ახლაც ჩვენთან ერთად არის. დარწმუნებული ვარ, ის მზად არის, საკმარისად მოტივირებულია და შეუძლია იმუშაოს.
"ბარსელონას" ახალი მთავარი მწვრთნელი მშვიდი უნდა იყოს. ვინც არ უნდა დანიშნონ, ის იდეალურად შეეწყობა გუნდს", - თქვა ინიესტამ.
მომზადებულია Barcastuff-ის მიხედვით
