მადრიდის "ატლეტიკოს" მთავარი მწვრთნელი დიეგო სიმეონე კლუბს მომავალ სეზონშიც გაწვრთნის.ამის შესახებ არგენტინელმა სპეციალისტმა 12 მაისს მიუნხენში Audi Cup-ის პრეზენტაციაზე განაცხადა.
"მონაწილეობას ვიღებ ამ ტურნირის პრეზენტაციაში, რაც იმას ნიშნავს, რომ ვრჩები "ატლეტიკოში"! ერთმანეთს ივლისში შევხვდებით", - თქვა სიმეონემ.
აღნიშნული ტურნირი ივლისში გაიმართება. მატჩები "ალიანს არენაზე" ჩატარდება. ცნობილია, რომ მასში მონაწილეობას მიუნხენის "ბაიერნი", მადრიდის "ატლეტიკო" და "ლივერპული" მიიღებენ. მეოთხე გუნდის ვინაობა მოგვიანებით გაირკვევა.
