ბოლო დღეების განმავლობაში, მსოფლიო ფეხბურთის ერთ-ერთი მთავარი თემა ნეიმარის "ბარსელონადან" "პარი სენ ჟერმენში" შესაძლო გადასვლაა. გავრცელებული ინფორმაციით, პსჟ ფეხბურთელის გამოსასყიდ თანხას, 222 მილიონ ევროს იხდის და ბრაზილიელს წელიწადში დაახლოებით 30 მილიონს სთავაზობს. ნეიმარი ამ წინადადებით მოხიბლულია და "ბარსელონას" დატოვებაზე სერიოზულად ფიქრობს.ჩვენ მკითხველს სხვადასხვა სპორტული გამოცემების მიერ გავრცელებული ბოლო ცნობების ნაკრებს ვთავაზობთ, რომლიდანაც ირკვევა, რომ ბრაზილიელი პარიზის გზას ადგას.
Sport
"ბარსელონა" ცდილობს ნეიმარი საჯარო განცხადების გაკეთებაზე დაითანხმოს, მაგრამ ბრაზილიელი ამას არ აპირებს.ბრაზილიელი კატალონიურ კლუბში თავს არაკომფორტულად გრძნობს. მას ლეო მესის
კატალონიური გამოცემა "ბარსელონას" ერთ-ერთი დირექტორის სიტყვებს ციტირებს: "სიტუაცია რთულია. ნეიმარის წასვლის რეალური საფრთხე არსებობს. დაახლოებით 50%-ია იმის შანსი, რომ ის დარჩეს."
Esporte Interativo
ბრაზილიურ პრესაში ვრცელდება ინფორმაცია, რომ ნეიმარი ბარსელონაში აღარ დაბრუნდება. ის პირდაპირ პარიზში ჩავა, სადაც მას ტიაგუ სილვა, მარკინიოსი, დანი ალვეში, ტიაგუ მოტა და ლუკას მოურა ელოდებიან. სამხრეთ ამერიკელი ჟურნალისტების მტკიცებით, ტრანსფერი უახლოეს ორ კვირაში დასრულდება.RAC1
ნეიმარსა და პსჟ-ს შორის მოლაპარაკებები აქტიურად მიმდინარეობს და "ბარსელონამ" ეს იცის. კატალონიელები ფეხბურთელის გადარწმუნებას ცდილობენ, მაგრამ ბრაზილიელს სურს, რომ პსჟ-ს პრეოქტს ჩაუდგეს სათავეში. გარდა ამისა, მას ფინანსური შეთავაზებაც ხიბლავს.პსჟ-მ დანი ალვეში ნეიმარის გადასაბირებლად დაიმატა. მის გარდა, პარიზულ კლუბში ასევე თამაშობენ სხვა ბრაზილიელები - ლუკას მოურა, ტიაგუ სილვა, მარკინიოსი და ტიაგუ მოტა. RAC1-ის ცნობით, სიმართლეს არ შეესაბამება ინფორმაცია, თითქოს ნეიმარმა თანამემამულეებს პსჟ-ში გადასვლის შესახებ უკვე ამცნო.
Catalunya Radio
ნეიმარის "პარი სენ ჟერმენში" გადასვლა 95%-ით გადაწყვეტილია.ნეიმარმა პსჟ-სთან დოკუმენტს ხელი უკვე მოაწერა. ეს შრომითი ხელშეკრულება არაა, უბრალოდ, პსჟ-ს ტვირთავს ვალდებულებით, ტრანსფერის განხორციელების შემთხვევაში, ნეიმარის მამას საკომისიო გადაუხადოს. ეს თანხა გაცილებით მეტი იქნება, ვიდრე 2013 წელს, ფეხბურთელის "ბარსელონაში" გადასვლის დროს მიღებული 40 მილიონი ევრო.
კლუბის დირექტორები ნეიმარის გადარწმუნებას ცდილობენ. ფეხბურთელი არაფერს ადასტურებს, ტრანსფერის ჩაშლა კი მხოლოდ მას შეუძლია.
"ბარსელონას" სურს, რომ თუ ტრანსფერი შედგება, კლუბმა 222 მილიონი ევრო რაც შეიძლება მალე მიიღოს. კატალონელები გარიგებაში სხვა ფეხბურთელის ჩართვაზე უარს იტყვიან.
ნეიმარის ტრანსფერი, "ბარსელონასთვის" გადასახდელი თანხის, ნეიმარის ხელფასისა და გადასახადების ჩათვლით, "პარი სენ ჟერმენს", 5 წლის განმავლობაში, წელიწადში 120 მილიონი ევრო დაუჯდება.
პსჟ-ს ასევე სურს, რომ ნეიმარი 2022 წელს ყატარში გასამართი მსოფლიოს ჩემპიონატის სარეკლამო სახეც გახდეს. ამ სურვილის მიზეზი ისაა, რომ პარიზულ კლუბს ყატარელი ბიზნესმენები ფლობენ.
ნეიმარი
რას ამბობს თვითონ ნეიმარი? არაფერს. მან გულშემატკივრებს ერთადერთი მესიჯი გაუგზავნა - დღეს დილით, ბრაზილიელმა სოციალურ ქსელში გამოაქვეყნა ფოტო, სადაც ის, ვარჯიშის დროს, ჩაფიქრებულია.ამ ცნობების ანალიზის შემდეგ, შეგვიძლია გამოვიტანოთ დასკვნა, რომ ნეიმარი პსჟ-სთან უფრო ახლოსაა, ვიდრე "ბარსელონასთან". თუმცა, მას საბოლოო გადაწყვეტილება ჯერ არ მიუღია.
შენ სად გსურს მომდევნო სეზონში ნეიმარის ხილვა: დააფიქსირე შენი აზრი!
