იმ დროს, როცა დორტმუნდის „ბორუსიას“ ფეხბურთელები 80 000 ქომაგის თვალწინ გერმანიის ჩემპიონობას ზეიმობდნენ, BVB-ს 22 წლის თურქ ნახევარმცველ ნური შაჰინს, რომელსაც ტრავმის გამო არ უთამაშია და ამ სეზონში ვეღარც ითამაშებს, ცრემლები წამოუვიდა. ჩვენი გერმანელი კოლეგების აზრით, ეს გამოსამშვიდობებელი ცრემლები იყო - ამას ოფიციალურად ჯერ არავინ ადასტურებს, არაოფიციალურად კი ყველა იმაზე ლაპარაკობს, რომ შაჰინი ზაფხულში მადრიდის „რეალში“ გადავა. „ბილდის“ ინფორმაციით, ბუნდესლიგის ერთ-ერთი საუკეთესო და უაღრესად პერსპექტიული ნახევარმცველი „სამეფო გუნდს“ უკვე ყველაფერზე შეუთანხმდა.
„ბილდის“ კორესპონდენტს, კითხვაზე, არის თუ არა ეს მართლაც ასე,
შეგახსენებთ, რომ ნურის BVB-სთან კონტრაქტი 2013 წლამდე აქვს გაფორმებული. სატრანსფერო ბაზარზე მისი ფასი დაახლოებით 20-25 მილიონი ევროა, მაგრამ როგორც გაირკვა, ხელშეკრულებაში ჩადებულია პუნქტი, რომლის მიხედვითაც ამ ზაფხულს „ბორუსიას“ დატოვება დაახლოებით 6 მილიონად შეუძლია...
სამაგიეროდ, ფაქტობრივად გადაწყვეტილია, რომ „ბორუსიაში“ შაჰინს 20 წლის ილქაი გიუნდოგანი შეცვლის - „ნიურნბერგის“ მენეჯერმა მარტინ ბადერმა შაბათს დაადასტურა, ილქაიმ გვითხრა, რომ მომდევნო სეზონიდან დორტმუნდში თამაში სურსო. ორი აზრი არ არსებობს, „ბორუსია“ და „ნიურნბერგი“ უპრობლემოდ შეთანხმდებიან.
